Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Yoga e ko ari ka Oogirde Malal fii Koorka

koorka

En fuɗɗorii innde Alla, Jom moƴƴere huuɓunde, Jom yurmeende heeriinde.

Musiɓɓe julɓe tedduɓe, Janngooɓe Misiide, miɗen nelda on e nduu lewru koorka (suumayee) ɗoo yoga e gimɗi arɗi e fii ñaawooje koorka, ka deftere Ceerno Mo Mombeya (Yo Alla hilno ɓe o yaafoo). Ɗum non, wonaa ko ɗuuɗi, tawde kono Ceerno on jooporinoo non ka hunorde damal fii dewe diina; wonde si ɓe fensitay ko yowondiri e ñaawooje mun ɗen kon, haray juutay, ko maa tun si en yiltiti e ɗeya defte ngam ɓeydo-ɗen bayyino.

Ceerno en maaki (Yo Alla hilno ɓe):

Jul, hoora, zakkaa, ɓaawo ɗu’un
si a waw hajjaa, ɗalu welsindagol.

Si mi jannti no ɗi’i nay huuwirtee,
juutay, heƴataa ɗo’o, ndar to Khalil.

E nder hen, men ɗustuno gimɗi seeɗaaji, joluɗi e ngal damal fii koorka, tawayɗi ko ñaawooje go’o yewtata fii mun ɗe hinaa yowondirɗe e koorka.

Bismillah:

Ramalaana si giide mu’um tabitii,
si a hoorii laɓɓin anniyagol.

Wata hooru e shikke; si gooto yi’ii
yonataa ma, walaw si wonii daragol.

Kono yiiɗo ndua hoyɗuɗo oon si taƴii,
o waɗay kaffaara e dow yoɓugol.

Kono oon si yi’ii juuldaandu taƴii,
waɗɗaaki mo njoɓdi e kaffirugol.

Wata hooran yarde e nyaamude tun,

e jimaa’u, ko ɗum woni ñallirgol.

Hoorir tere jeeɗiɗi wonɗe e ma’
si wanaa ɗum ñaamu, wonaa e desal

Fensito kelme:

  1. Wa law: Ko helmere Arabre, firo mayre ko, hay si tawii non…
  2. Hoyɗuɗo:Ko ɓe faandii ɗoo, ko hellifaaɗo on; tawde no jeyaa e maande hellifeede; hoyɗugol no yiida e suddiiɗo.
  3. Jimaa’u: Ko renndidugol e sonna mun.

 

Faransiire: Du Jeûne

Le Ramadan, quand la lune en est bien établie,
si tu jeûnes, fais-le avec certitude d’intention.

Ne jeûne pas dans le doute. Quand un seul voit la lune,
que cela ne te suffise pas, même si elle s’est levée.

Mais celui qui l’a vue, quand il a rêvé 1, s’il rompt le jeûne,
il devra une aumône et puis un jour de jeûne.

Mais voyant la lune du mois de fête, s’il rompait le jeûne,
il ne lui serait imposé ni jour de jeûne en plus, ni pénitence.

Ne jeûne pas que pour le boire, le manger
et les gens, car cela, c’est faire un jour sans manger.

jeûne de tous les sept sens 2 qui en toi se trouvent ;
sinon mange et mène ta vie conjugale.

Notes:
1. Quand il est pubère; allusion aux rêves érotiques qui confirment la puberté.
2. L’ouïe, la vue, le croire, le goût, l’odorat, le sexe et le toucher.

Timmii.

Oogirde Malal —Le Filon du Bonheur Eternel
Thierno Muhammadou Samba Mombeya

Salminaango,

Misiide Network

Fii diina, pinal e pulaagu

www.misiide.net

 

2 Responses to Yoga e ko ari ka Oogirde Malal fii Koorka

  1. Abdullaay Soh dit :

    On jaaraama dee moodi en, laaɓii tal, yo Alla wallu en no hoorduɗen lewru ndun dow jam e kisal.

  2. Issa Sow dit :

    A jaaraama kotoo mi weltike, ko innuzaa kon.

Rokku miijo (coment)

%d blogueurs aiment cette page :