Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Gostondiral e Ceerno Bah ka « WebPulaaku.net »

jaŋngooɓe Misiide tedduɓe, battane ñalaande ɗemɗe neeniije ɗen hikka (Journée mondiale de la langue maternelle/Mother Language Day), e wasiyee jokkondiraaɓe men wano Rinsing Voices en fii ɓamtugol ɗemɗe winndere nden, ko ɓe eɓɓanoo jamaa fampagol Twittes ka ɗemngal mun e nden ñalaande, men saakituno kadi yoga e miijjooji fii ɗemngal ngal no yaara yeeso ka facebook. Jamaa on defti (coments) holli miijooji mun. Tawano e ɓen yewtiduɓe e amen, Ceerno Bah ka WebPulaaku.net  ɓe deftiri yewtere juutunde e miijo amen ka men wi’i:

« Ɗemɗe men ɗen fuɗɗii lo’ude, tawde non jaŋnguɓe men ɓen ko Engele, Farayse, walla Arabu yiɗi wowlude! ». (Nos langues commencent à s’appauvrir, parce que nos intellectuels préfèrent parler l’anglais, le français, ou l’arabe!).

Ko ngoo woni ko Ceerno Bah en kadi waɗtiri miijo maɓɓe, ɓe holli yewtere labaande, nden men yiɗi accude jaŋngon les ɗoo wondude e jaabawol amen ko yowondiri e mun:

Tierno Bah Musiɗɗo, maapaare nden no luggi, yawti en enen wowlayɓe faransi, maa engele, maa portokeesi.

Si a nanii ndii no weli, ndii no metti, ko miranji ɗiɗi jooɗii. E misal, muynuɓe Pulaar ɓen tun alaa ka suɓoo. Ko haala maɓɓe kan ɓe wowlata. Kono ɓe waawata jaŋngude winnda e Fulfulde.

Yawtii hikka duuɓi cappanɗe-jowi gila leyɗe Afriki hebtii. Kono haa jooni hay wootiri e majje hunnaali ahadi saakitugol mbinndudi e haalaji yimɓe mum ɓen. 

Eltugol hakille fii jaŋngude winnda, ko muraadu saɗtundu, ndu laatike woo si jiwndaama.

Bee Guwernaman e kafuuji leyɗe ɗen nantondira, waɗa haldi fotti, hunna ko haldaa kon, si jaŋngugol e winndugol saaloo e Afriki.

E dow ɗum, ko yo jamaa on yi’u nafa jŋangugol/winnda ngol ka haala maɓɓe. Si wanaa ɗum, muraadu ndun sottataa, hay si tawii non ONU e UNESCO no waɗti ɗum e yewtere maa e eɓɓooje maɓɓe.

Tafsir BaldeTafsir Balde: Ko goonga mon selluka Moodi en.  Miijo ngon no laaɓi. On tiniii, gila Afrik jeyti hoore-mun duuɓi cappanɗe jowi ɓaawo hikka, ko seeɗaaɓe tun waɗi ko yoni molon fii ɓamtal ɗemɗe mun ɗen, ɗum non ko wano Sawaahilii, e Amazith en ka laamateeri Marok, e nanndo maɓɓe. Ko hinaa ɓee ɗoo; wano ɗemngal men, haa jooni ko yarlitaare wonaa e liggoreede, ɗum le nafata ka lawɗi, haray buy laawike.

ko wano non miijo mon fii laamuuji ɗin e guwernemaaji mun, ko maa si ɓe wallita, sabu golle ɗen wonaa ko gooto tun gaynata! Sugu non kadi fii Unesco, e Acalan en e nanndo maɓɓe, ɓee fow hino duwaa walliteede fii ɓamtal ɗemɗe Afrik ɗen, gooto kala waɗa yeru mun on…

Timmii.

 

Rokku miijo (coment)

%d blogueurs aiment cette page :