Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, mawninirde ɗemɗe muynaaɗe ɗen ; wano ɓe woowiri non, humpitii tiitoonde hikkaare nden, ko faati e mawningol ɗen ɗemɗe muynaaɗe e winndere nden fof.

Ɗum non, ko ko yowondiri e fiyaaku jannde e elto, ɓe tiitoriinde : « faade e ɓamtal duumiingal, barki Alla e jannde keew-ɗemɗiire « .

Ko tawde haray kamɓe UNESCO, hiɓe wonani jannginirgol eltira jamaaji ɗin e ɗemɗe maɓɓe muynaaɗe ɗen, huunde nde ɓe ɓoowi bammbannde…

Si tawii non jannde nden ka ɗemɗe muynaaɗe ko faandaare maɓɓe, hikka on, hiɓe tawti miijo wi’ayngo hittude eltirgol ɗemɗe ɗuuɗuɗe (hara muynaangal ngal hino taworaa)..

E wi’i maɓɓe, faandaare ndee tiitoonde hikkaare, ko wallitorgol no ɓamtira ɓii-leydiyaagal winndere-wal e jurol jannde nden wondude e elto ngon.

Hiɓe eɓɓani yuɓɓugol jonndeeji bensondiral e waɗtito miijooji ka jonnde fedde nden Pari. Ɓe waɗora kadi coftale goo, yowondirɗe e ɓamtugol jannde nden ka ɗemɗe muynaaɗe, wondude e eltirgol ɗemɗe ɗuuɗuɗe.

Yaka-seede men, enen e fewjanayɓe en ! Sabu gooto kala e men hino woodi ko waɗɗii ɗum e ɗemɗe men ɗen. No waɗɗori non fewjooɓe ɓen heɓtinde (to recognise; reconnaitre), ɗemɗe muynaaɗe ɗen, wallitora no ɗe janngiree, ekn ko non kadi waɗɗorii e men, jannginorgol ɗe jamanuuji ɗin, humindira ɗe e gannde kese ɗen, woowtinɗina caltuɗe ɗen, fii no ɓiɓɓe ɗemngal kala ɓurta ɓadondirde, yiɗindra yurmondira, wallondira e jurol ɗemngal maɓɓe ngal.

One Response to UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

  1. Mamoudou KANE dit :

    Jam hiiri e mon vivve fulve worve kam e suddiive, yoo jam e kisal ngon e mon to mbaawzon heedde e les naange GENO hee kala. Miin e yi,annde Am jannginirde zemze men ngenndiije kam e neeneeje ina heewi ngartam no feewi ngam vesnguuji men.

Rokku miijo (coment)

%d blogueurs aiment cette page :