Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

« Twitten » ka ɗemngal men, ñalngu ɗemɗe neeniije (21 Fabraa’iru)

Banndiraaɓe tedduɓe, humpitiiɓe fii ɗemɗe winndere nden hollii e gannde maɓɓe, wonde e nder 7 000 ɗemɗe wowleteeɗe ɗen ka aduna, ko seeɗa e majje woni yiilaade ka jowlol enternet. Lowre dinngiral renndo (Réseau Social) Twitter nder e yaajude mun, ko ɗemnɗe jeetati tan/pet wonaa ngudireede ton ko ɗuuɗi.

E battane ñalaande mawningol haala muynaaka kan e nder winndere nden (Journée Internationale de la langue maternelle), lowre Rising Voices nden wondude e Living Tongues Institute (Insitut des langues vivantes) fof hawtidii eɓɓoore Indigenous Tweets (Tweets indigènes) nden ngam saakitugol Twitte e ɗemɗe seɓitiiɗe ɗen.

Ngal oorngal (champagne) non, ko fii tan jonnindiral juuɗe wallitoo winndirooɓe ɗemɗe mun ɗen Twitter no geɓe mejje ɗen ɗuuɗira ka jowlol enternet.

Image Id-iom, utilisée sous licence CC BY-NC 2.0

Image Id-iom, utilisée sous licence CC BY-NC 2.0

Mo no yiɗi tawtoreede e ngal oorngal, ko wano nii o gerdataa:

  • Ko winndirgol Twitter ngol ka ɗemngal mun ñalawma on fof
  • Sifoo nafoore ko woni e winndirgol ɗemngal mun ngal ka enternet
  • Winndee salminaangooji, walla firton kelme ka ɗemngal mon, e ko nanndi heen fof

Nde ɗum no waɗa, yo taw hara hiɗon huutorde oo hashtags #MotherLanguage ngam hawtide-ɗon e winndere nden fof.

Hara kadi on yejjitaali waɗtude ɗon hashtags innde ɗemngal mon ngal. Yeru: #Fulah walla #Pulaar walla #Fulfulde.

Ngal duncal eɓɓiraama tawde winndugol ɗemngal mun ngal ka enternet hino faaboo ngal e mulugol.

On toraama wallitorgol ɗemngal Fulfulde ngal karambi mon ɗin, naatee tawtide-ɗon e oorngal ngal, winndee Fulfulde, wallito-ɗon Pulaagu, danndon en mulugol ɗemngal men ngal.

En fottoyay ka hashtags #Fulah walla #Pulaar walla #Fulfulde.

On jaaraama.

 

Kuɗol: Tafsir BALDE

Mo Misiide Network

www.misiide.net

 

 

Rokku miijo (coment)

%d blogueurs aiment cette page :