Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Tooke ñawu Ebola «Virus Ebola»

Banndiraaɓe tedduɓe, hannde denndaangal jaaynirɗe e jeynirɗe kumpitooje nanallaaji fof (média d’informations), ngoni ko he anndinde cori (population) winndere bone tooke ñawu mbi’eteengu Ebola, ko ɗuum waɗi enen poti anndude bone tooke nguu ñawu.

Tooke_Ebola_Natal_Wikipédia

Tooke_Ebola_Photo_Wikipédia

Jooni hokoo woni ñawu Ebola? Innde Ebola ndee holko nde firti? holtuma e Hotoo nguu ñawu anndaa ?
Virus Ebola: So tawii ko konngol « Virus » ngol, ngol firti ko tooke, ko ɗuum waɗi e ngol ɓasee he kala innde ñawu.
So tawii ko innde Ebola ndee, nde ɓaŋaa ko he innde caaɗngol « caanngol » gonngol takko saare wi’eteende : Yambuku, wonnde nano he ngenndi Konngo Kinsaasa « République Démocratique du Congo ».

So tawii ko tuma e hotoo nguu ñawu anndaa, nguu ñawu anndaa ko he hitaande 1976 he nokku gonɗo nano he ngenndi Konngo Kinsaasa.
Ko ñawndoowo « Médicin » Beljiknaajo bi’eteeɗo Petee-Piyot « Peter Piot » gonɗo he ñawndirde heeroriinde ñabbuuji ngenndiiji bulɗi (gulɗi) to saare wi’eteende Anweerse « d’Avers », ko oo anndini aduna oo goodal nguu ñawu he hitaande 1976, caggal (ɓaawo) nde ngu boomi ko wonta (yahata) 280 neɗɗo he ndeer 318 ngu ɓe ngu nanngunoo.

Virus Ebola: nguu ñawu ko ndiiwu  (dogu) reedu wontungu fero wondungo he nguleeki ɓanndu ɓamtiiki no feewi e tuure ƴiiƴam.

Banndiraaɓe tedduɓe, Fulɓe mbii: « So a no yiggee ɓaawo, aan neh yoo a yiggu reedu maa nduu ». Enen Afriknaaɓe, enen poti immanaade ko’e (hoore) men he kala mbaadi, ngiwen (hiwen) he tuugnaade he balle ɗe ngaldaa he teddungal e neɗɗaagu, tee mino yananaa ɗoon ɗo enen keddii he ɗoftaade e rewde peeje maccinɓe en e tuugnaade janngude ɗemɗe janane e ñaaƴirde (mantora) pine maɓɓe he renndo men e fuuynude janngude ɗemɗe men e ñaaƴirgol pine men he ndeer renndo men.

En mbaawantaa ko’e men hay huunde, ngam ɓe njannginirta en ko haa ɓe kalfa en e semmbinde nehdi ndi ɓe nehiri en woni: Goonɗingol coñceendi yilaaji maɓɓe e fuunude ɗi men, ngam ɗuum ina walli ɓe he wuurde daaɗere (neema) nde ɓe mbuuri hannde ndee he ndeer renndo maɓɓe, ko ndeen daaɗere duñi ɓiɗɓe Afrik he karagol (wartaade) yahde Orop.

Tee enen fof enen nganndi so en njanngaani ɗemɗe men ngaluuji neesuuji men ko kamɓe njeyi he tuugnagol he jeñcingol karalle maɓɓe, ɗe ɓe ɓulnii he gannde coñceendi yilaaji maɓɓe, ɓe nduttoo (rutoo) ɓe cakkoo en heen he innde neɗɗaagu.

Sakiraaɓe tedduɓe, duuɓi teemedɗe he njiimaandi Oropnaaɓe e duuɓi capanɗe he jeytaare Afrik ɓaleeɓe, ko jooni Oropnaaɓe mbi’ata eɓe mballa en no ɓamto-ren, eɓe njuɓɓina pelle ɗe ngonaa laamuyankooje, ɗe eɓe mubbira gite men he naange feeñnge he wuurde leeɓte nde mbuurɗen hannde ndee, maa ko jooni ɓe mbi’ata en, eɓe njanngina en ɗemɗe men, kono kadi ko jaŋde mawɓe.

Tee enen piiw enen nganndi toɓo wiltintaa janal, ɓe nduttii ɓe mbaɗi he ndee jaŋde ceŋdi mbonndi, ndiin woni jannginoowo oo okkee ceede seeɗa, o heɓa ko o toɗɗii, jannginteeɓe ɓee, njeeranee heen seeɗa ɓe toɗɗoo, ko ngol laawol ɓe ndewi haa ɓe mbonni miijooji sagataaɓe Afriknaaɓe darinooɓe yoo ɗemɗe ngenndiiji Afriknaaɓe yoo njannge.

Sagataaɓe leñol, hannde en nganndii ko woni nafoore binndol, ngam ndee yuumtere karalle addunde ɓamtaare neɗɗo, addi nde ko binndol, ndeke kala ɗemngal, ngal winndaaka he ndee winndere goodal maggal ko dottaa, ɓayri ko binndol saasnata ɗemngal.

Mi yettii kala dariiɗo dadiiɗo he winndude e janngude ɗemngal mum, on njaaraama.

Tijjaani Mbaalo.

Rokku miijo (coment)

%d blogueurs aiment cette page :