Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide,

Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e gannde ɗen, noddita on tawtugol e dunce ɗen, ngam semmbinnde memminannde amen nden fii ɓamtal Fulfulde.

Men yeewtiino on e postol amen yawtungol, fii lewru Colite (2ɓuru) ndun, ko lewru ɗemɗe neeniije, ndu UNESCO suɓanii ɗemɗe winndere nden fof.

Ko tippude e ɗum, waɗi si dente mawɗe immanii mawninirgol ndee ñalaande 21 Colite, yuɓɓugol coftale ka jowlol internet.

Meme e Fulfulde

Meme e Fulfulde

 

Ka mawningol ñalgu ɗemɗe neeniije 2017 ngu UNESCO 21 Colite, rising voices e gollodiiɓe maɓɓe, hino noddita en tawtugol e foolotiro sama-soobee, fii sincugol (sosa) « meme » ka ɗemɗe neeniije!

Hiɗen gelii wonde, ñalaande ɗemɗe neeniije nden, sincirano mawningol ɓamta ɗemɗiyankaagal e ɗuuɗal pine, e nder winndere nden, teŋtinii non ɗemɗe taakanje, famɗuɗe, seɓitii ɗen.

Foolotiro ngon: Ko tawtugol memminannde nden sinca « meme » ka ɗemngal mon neeniwal, jokkinndina e hastag, senndoda e woɓɓe goo e nder winndere nden.

« Meme », ko helmere Engele, hinde firi, ƴettugol nate (lolluɓe, walla jalniiɗe), winnde heen konnguɗi, lollina ka jaaynirɗe.

Fii Tawtugol, e hino no gerdoton:

1: Suɓee natal ngal yiɗu-ɗon gollirde, naadon ngal e wootere e lowe tafirɗe « meme »; wano MemeGen, Memegenerator, maa Choualbox

2: Ɓeydee Binndi e natal ngal, winndon heen ko yiɗudon, si ko jalniika, maa tinndi ekn. Meɗen rerɗina on tafugol meme yewtayɗi fii ɓamtal ɗemngal.

3: Daɗndee Fampo-ɗon « Meme » On ka yiɗu-ɗon e jaayɗe renndo (wano Instagram, Twitter, Facebook).

4: Ado on fampaade, ɓeyditee oo hastag #MemeML jokkindinon e innde ɗemngal ngal (wano #Fulfulde).

Wata on yejjitu taagude woɗɓe goo fii no ɓe tawtira « foolotiro » tafugol « meme » ngol. Seŋodee e yimɓe goo mawninooɓe ɗuuɗal ɗemɗiyaagal.

Si ɗon yiɗi humpitaade ko ɓuri nii, juuree yamre lowre eɓɓo ngon ka Fulfulde e ngol jokkol.

 

Rokku miijo (coment)

%d blogueurs aiment cette page :