Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Tawhiid, e faamu Ceerno Sammba Mombeya

En fuɗɗorii Innde Alla
Jom yurmeende huuɓunde 
Jom yurmeende hertoriinde.

Musiɓɓe tedduɓe,

Assalaamu Alaykum wa rahmaullah,

Hiɗon gelii e winndannde men sakkitore nden, ko fii Tawhiid (wowtinɗingol Alla) yewtu-ɗen ko eggaa e deftere Hajja Mariyama keso Ba (Yo Alla hilno ɓe), tawde non ɓii julɗo on ko ɗum ɗon woni ko ɗaɓɓiraa ka arannde ado dewe ɗen. Jooman daali: « Rewee Alla, wata on renndin mo e huunde« . (Annisaa’i: 03).

 

Musiɓɓe tedduɓe,

Si on waɗtanii yiila e defte fiqha (dewe) ɗen, on taway ko ɓuri heewude e majje kon, ko fii tawhiidi ɗe fuɗɗorta yetude ado naatannde dewe diina ɗen, sabu ko si finnde julɗo on sellii gaa e taguɗomo on, si o ndaarana ɗewe ɗen. Ceerno Muhammad Sammba Mombeya (Yo Alla hilno ɓe), ko e ɓen karamokooɓe jokkuɓe ngol laawol wallifaaku ɗon jeyaa ka defte fiqha, ɓe fuɗɗorii deftere maɓɓe « Oogirde Malal » nden fii « Haylilugol », laɓɓina finnde mun nden, sellina kongol liimaanu ngol gaa e Allah.

 

Misiide duɗal, hino yeeɓita ka tulde ganndal ɗoo, yoga e gimɗi ceerno men on, ko yowondiri e nafoore janngude janngia Tawhiidi. Bismillah:

Ceerno en Maaki:

 Jon arsi wi’ii: « Allaahu ahad. »
ɗun wontani wahdaaniya dalil.

119. Si o huuwu dewal himo jortoranaa
sabu ɗun e Nulaaɗo danyoyde malal.

120. (Joomiiko yo hisnu mo haa abadaa
e Sahaaba e Aali e yimɓe Nulal.)

121. Jannee ɓeynguuli ko rokkiraɗon
fii Allah e ɓurɗo e yurmondiral.

122. Kala accuɗo jannude ɓeyngu mu’un
ɗe’e kaɓɓe, o nimsay nyande kulol.

123. Kala neɗɗo mo andaa ɗun o wonii
keefeero, wonaa woo luutondiral.

124. Si o almi bonay, si o seedi bonay,
si o hirsu ko jiibe, bonay resugol.

125. Wata anduɗo ɗun e mo andaa ɗun
resindir, ko fasaadu wanaa dewgal.

126. *Ɗe’e kaɓɓe dagintaa jawdi tanaa
sabu kirse ko danyata woo ko halal.
—————————————————————————

En haɗtay ɗoo hannde.

Yo Alla nafir en gannde mawɓe men, o waɗana ɓe baraaji mun ka manndake maɓɓe moƴƴe, o yurmee ɓe, o yaafoo, o lomtinana en sugu maɓɓe.

Misiide duɗal

ngal, Misiide Ɓamtaare

Fii diina, pinal e ɓamtaare.

Wassalaam.

www.misiide.com

 

 

Rokku miijo (coment)

%d blogueurs aiment cette page :