Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Radiyooji Pulaar ɗuuɗii, binndol Pulaar fanɗii !

Ariino e saa’i, hari ɗemngal Fulfulde ngal hino joginoo geɓal mawngal e jaayɗe (médias) lolluɗe ɗen wano RFI e BBC e nanndo maɓɓe. kono ɗum yehii haa seeɗa tun ñifi, fii mun deƴƴi. Wowlaa wowlitaa ka dinngire Fulɓe, miijooji ɗin haɗti ɗon !

Kono ɗum haɗaali yarlitiiɓe men ɓen eɓɓindanii feere goo, ɓe sinci radiyooji ɗuuɗuɗi ka Pulaar yewtetee, kabaruuji saakitee, bolondaaji fotta waɗtita miijooji fii renndo fulɓe..

Banndiraaɓe tedduɓe, si en innii en limtay radiyooji fulɓe ɗin e der winndere nden, ma en accu goɗɗi goo, hakkee ko ɗi ɗuuɗi. Tuma kala meɗen humpitaade fampeede radiyoo Pulaar keso, en heɓiino hay radiyoo diina, e radiyoo finaa-tawaa fulɓe, e ko nanndi.

Ko ɓooyaali koo, mawɗo men Ceerno Tijjaani Mbaalo (r)okkuno miijo feewngo fii no gaaci (music) fulɓe ɗin hebbiniree ka radiyooji men ngam « ɗuum wallat en no feewi he juljultoondiral ngaddinaaji men, kadi ina hebbina heɗotooɓe e noddooɓe, ngam hannde yonta mbo ngonɗen oo karalle ina taaɓii no feewi, ngam eɗen mbaawi heɓde gaaci Fulɓe he yeyre maa lowre « cite) ganndal yuutuub « youtube » (Janngiree ɗoo). Hiɗen yelii nden ngon eeraango battinta e renndo ngon.

Musiɓɓe tedduɓe, radiyooji men ɗin e ɗuuɗude, men jinnduno e majji me yiilii e lowe (sites) majji, men ƴellitii ko wonaa e winndeede ton.  Nde ɗum yawti, men tawno hiɗi ŋakkiri/lelliri huunde hiɗtude !

Hino anndaa gila law wonde radiyoo ko ka wowletee, kono fewndo hannde, fanɗii radiyoo mo jogaaki wonirde/lowre enternet ka yowa winndanɗe mun e kumpite mun.

A nanay ka radiyooji mawɗi ; wano RFI hiɓe wi’a-maa ka lannoode/timmoode kabaaru/kumpital wonde « mo no faalaa humpitaade ko ɓuri nii, ko juuragol lowre amen nden », ɗum holli wonde wanaa haala kan tun radiyoo on heddori, ɓe winnday golle maɓɓe ɗen kadi e ɗeri ɓe yowana juurotooɓe ɓen. Hay taliwissiyonji ɗin waɗay ɗum, e piide misal France24 wi’ay tuma kala « juuree men ka lowre amen ngam keɓon ko yaaji e kumpite amen ».

Mo ƴewtike lowe radiyooji men ɗin fewndo hannde, o taway ko e Faransee maa Engele ɓe winndirta ko ɓuri heewude kon! Hiɓe humpitira Pulaar winndira Faransee maa Angelee! Ɗum ko ko lunndondiri!

Hannde hannde, ko binndol e jaaynde yaadata, huunde gasata ɓaawo ɗuma, kumpite ɗen ka radiyoo ko winndeteeɗe, fensitee yaññee, non yowee ka lowre.

E miijo am, hino hersinii ka sinceten radiyoo e Pulaar, hersen maa aamen winndude Pulaar ka lowre radiyoo!

Si a naatii ka lowe radiyooji Hawsa en maa Suwaahilii en, a taway ko e haala maɓɓe kan ɓe winndirta. Ɓe aamanaa ɗum ɓe hersiraa!

En haani waɗtande hakkil e ndee toɓɓere, eɓɓindano-ɗen fii mayre, wowtinen ɗemngal men ngal e winndeede, wallito-ɗen no Fulfulde heɓira loowdi (contenu/content) ka jowlol enternet.

Jamaanu hannde ngun ko e enternet mahii, alaa ko ɓuri fotude haa ɓura heɓugol ko ɗaɓɓata kon ka enternet e ɗemngal mun. Fayɓe hannde ɓen ko Google lamndotoo ɓuri mawɓe mun ɓen.

En torondirii winndugol Fulfulde, kala waɗa yeru mun on haa dañen/heɓen ko yoni molon. Ɗemngal ɓamtirtaake haala tun, ko haala e binndol!

Mi yettii.

 

 

3 Responses to Radiyooji Pulaar ɗuuɗii, binndol Pulaar fanɗii !

  1. Abdullaay Soh dit :

    On maakii goonga moodi en, beru Rajooji mi anndi ɗin ka net, alaa heen winndayɓe e pulaar, si wonaa haalirde Aañam tun. Kono Rajo Fonndu Yeewti Pulaagu, Radio Haire Lao, Renndo, Ganndal, Fuuta Jalo e goɗɗi haa ɗuuɗi, ko ɗemnga farayse tum.

  2. Sammba Ka dit :

    Ko miijjo, mojjo sanne.. Yoo Allah Wallu ful6e foof.!

  3. Issa dit :

    Asalamaleykum mon badira6e ful6e mi sal mini goto kala inde mun e yetode mun on jarama no fewi yo Allah nawuru gole non yeso

Rokku miijo (coment)

%d blogueurs aiment cette page :