Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Gine: Pular e Maninka naadaama ka dunce Guinee Vote

Ko e nder eɓɓoore lasindagol woote hoorejo leydi saatiiɗe 11 Oktoombur  ɗen Gine woni ko kawtital Blobooɓe Gineyanke en (Ablogui) fampii lowre mun nden Guineevote.com ñannde 10 Settaambur yawrunde ka suudu jaaynirdu (maison de la presse) koleyaa.

Weeɓitanɗe nay (4) yeeɓano nden ñannde e nden jonnde, ɗum woni hollital eɓɓoore Guinee vote e dunce yowndirɗe e lowre nden. Hikki ɗon jeewte fii yuɓɓo eɓɓindirgo poroguraamuuji lanndaa en (partis politiques), e ko yowitii e e-lasindotooɓe en (les e-observateurs), e duncal Ushahidi ngal, wano non kadi fii suɓagol ɗemɗe ngenndiije ɗen.

Foodee Kuyatee, hooreejo Ablogui on

Foodee Sanikayi Kuyatee, hooreejo Ablogui on

Nafa ndee lowre geese, ko newingol no kumpite yowondirɗe e woote ɗen 2015 heɓora, e konngol Foodee Sanikayi Kuyaate, hooreejo kawtital Ablogui ngal.

E miijo maɓɓe, « ndee eɓɓoore hesere wallitoray no yeɗɗiri fii laaɓal e ƴellitaare woote ɗen ». 

Hino jeyaa e ko ɓuri hittude e ndee lowre Guinee Vote, naadugol ɗemɗe ngenndiije ɗiɗi e mayre, ɗen woni Pular e Maninka.

Faandaare ɗum, ko newinangol jamaa Lagine on humpitorgol e ɗemɗe maɓɓe, tentinii non ɓe faamataa ɓen Faransee.

Tippude e ɗum, Ablogui e ballal goomu (commission) kippungu fii ɗemɗe ngenndiije ɗen woni eɓɓiri firugol ñogga kumpite himmuɗe ɗen ka Pular e ka Maninka.

En anndintinay tun wonde Ablogui ko e hitaande 2011 nden woni ko sincaa, hingal eɓɓi maritorgol lowre Guinee Vote nden fii woote saatoytooɗe nder Lagine.

One Response to Gine: Pular e Maninka naadaama ka dunce Guinee Vote

  1. Raafiu Bah dit :

    On jaaraama e ɗee golle mon.

Rokku miijo (coment)

%d blogueurs aiment cette page :