Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Ngalu duunde men Afrik

 

Banndiraaɓe tedduɓe, duunde men Afrik alɗirnde neesu tago Geno (Alla), nde ngalu nafoowu naftorteengu he wuurde neɗɗo, nde majjere e humammbinnaagu sooyni yimɓe mayre daaɗere (neema) aduna.

 

Musidɓe tedduɓe, duunde men Afrik nde Geno tagiri daaɗere neɗɗanke, nde geɗe nafooje naftorteeɗe he kala yonta, nde aawdi puɗal neɗɗo e neɗɗaagu mum, nde ngalu mum anndittaako dottotaako, peeñngu ngu suuɗaaki he gite neɗɗo, ngam ko he mayre nji’eten ngaluuji ngalɗinorteeɗi, ina carii ina caaktii he kuuɓndi mayre, nde kuulle ñaameteeɗe naftoteeɗe he denndaangal soklaaji neɗɗo, nde toɓooli toɓtinooji tammbiiɗi wuurde neɗɗanke, nde maayje belɗe e lammuɗe e caaŋli nafooji toɓtinooji cukkuɗi ndemanteeri nguure neɗɗo e ko wonaa neɗɗo, nde boyli kuɓɓirɗam « pétrole » e cuuytam « gaz » newnanɗi neɗɗo wuurde he daaɗere, nde lalle cukkuɗe paggiri ñaameteendi ndi alaa yonta e leɗɗe tammbiiɗe wuurde neɗɗo e huɗo ñaameteeko e copoƴƴi maaforteeɗi e naftorteeɗi, nde perle kaŋŋe e kaales e kaaƴe jamaŋ e jamɗe naftorteeɗe he denndaangal soklaaji neɗɗo.

Sakiraaɓe tedduɓe, ɗii ngaluuji neesu diiñiiɗi he ndee men duunde Afrik ciiɓeteeɗi jemma e ñalooma, naftorteeɗi he renndooji woɓɓe, daaɗinɗi yimɓe ŋellitiiɓe he mbaylaandi winndere ndettinaaɗi ɓiɗɓe Afrik.
Musidɓe tedduɓe, enen nganndi alaa ko waɗi ɗuum so wonaa waasde en winndude e janngude e jannginde ɗemɗe men e heddaade en he wimmbooji majjere e jaɓde en jaaɓneede ɗemɗe e pine woɓɓe, ɓeen nehiri en waasde yiɗde hoore mum, alaa ko haali ngenndi mum, ɓe njaɓni en halfeede e jebbilanaade leeɓte heege e baasal e puuyndam, haa ngontuɗen siccaaɓe fuuynaaɓe he winndere, ɓe njaasnani en ɗemɗe men e pine men, alaa ko haali tawaa-tawi men, ɓe koomtiri en tawaaɗe maɓɓe, ɗuum duñi en haa njaɓɗen waylude inɗe men e jettooje men, ɓaŋɗen (ƴettuɗen) ɗe maɓɓe, kaɗtuɗen (karminɗen) ɗe men.

Sagataaɓe tedduɓe, hannde enen poti feertude gite men, ngannden neɗɗo ko neɗɗo tan, ɗemɗe ko gootum alaa ɓurngal ngal, ɓayri enen nganndi ko binndol e janngeede e janngineede addi ɓuroondiral ɗemɗe, ngam enen nganndi coñceendi yuumtere yila neɗɗanke, ko tago Geno (Alla) alaa mbo okkaaka heen fotde mum, tee enen nganndi Geno faltaaki hakkunde ɓaleeɓe e raneeɓe maa woɗeeɓe e sooyɗuɓe, ngam hannde en nji’ii coñceendi yuumtere ngaandi « cerveaux » neɗɗanke ko addi he ganndal naftortengal he ndee men winndere, enen nganndi ganndal yottinii neɗɗanke he waɗde laabi weeyo kuwtorteeɗi jemma e ñalooma e waɗde ɗate he maayje jultiindirɗe ndee men winndere e duŋnge jokkore jowiiɗe he weeyo toɓooje binndol degooje haala e nate kollirooje jolooji winndere he dow hojomaaji daɓɓi, ngittuɗe kumpa ngonka ndee men winndere, cellinɗe konngol Geno biingol : won ko woni he ndee men winndere, ngonka mum anndi ɗum tan ko Geno e annduɓe ñiiɓɓe he ganndal, ko ɗuum addi annduɓe mbaɗii lowe « internet » toɓooje binndi ganndal, kumpitooje neɗɗanke ngonka ndee men winndere no woniri, nganndinooje en ko en nganndaano he taariindi sato men, ɓe ngitti ñabbuuji boomatnooɗi en, leeɓtannooɗi neɗɗo he wuurde mum, ɓe ngitti daawe goɗɗal jahretenooɗe duuɓi, hannde eɓe cappii humpitaade geɗe weeyo no ngoniri.

Sagataaɓe tedduɓe, ndee yuumtere karalle mbaylaandi, yahdunde he ganndal binndol nde alanaaka kaaɗtudi, so en ndartaaki nde en caayat, koddoden he guri ɓalli ɓaleeji ɗi ngaldaa he ɗemngal alaa ko haali pinal, seede mum ina feeñi banndiraaɓe men ɓaleeɓe wonɓe he duunde Amirik, jigganooɓe he duunde Afrik, alaa ko ɓe keddodii so wonaa guri ɓalli ɓaleeji, ɓe cooyii puɗal ɗaɗol iwdi maɓɓe he ndeer Afrik, alaa ko addi ɗuum so wonaa woppineede ɓe haalde ɗemɗe maɓɓe, tee Geno ina seedii winndude e janngude e jannginde ɗemɗe men wonaa ko saɗti he oo men yonta, enen kay ŋakki en tan ko faamde puunti nehdi pawaaɗi he ko’e men, ngam ɓaleejo jannguɗo ɗemngal jananal haa yottii he rommet kaaɗtudi ganndal, oon hortaako waawde janngude ɗemngal mum.

Setudiiɓe ganndal, ngaree ndaroɗen kuccanen janngude ɗemɗe men, celen puunti jookɗi en he wimmbo majjere, on njettaama.

Tijjaani Mbaalo. Jokkorde am Dakar Senegaal ko : 00 221 77 253 38 28.

Rokku miijo (coment)

%d blogueurs aiment cette page :