Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Gimɗi: Misiide yaltinay CD arano ko neeɓaa

Niwre no fette, ɓernde no ƴawira koyɗi bonɗi, haqqil no nanngitoo, peeral hesal no suppitoo, samaa’u on no fina fertoo, fuɗnaange e hirnaange, nano e ñaamo. Bawɗi no ferñita nootondira: Karambi no settitee; sabu ɗemngal hettitaama.

Ko e nder hawre daranaande ɓaawo ɗoo nun; Moodi Ndane Seelenke Jallo yuɓɓi pulareeji (gimɗi), ɓe waɗi ɗum deftere, ɓe rokki’en. Ɓe rokkiri’en nde wano njooɓaari rokkirtee yiilotooɗo.

Ɓe winndi pulaarji ɗin ɓe tiiɗini, ɓe jasi ɓe irti penaale falluɗe jamaanuuji men, ɓe feññini tooñe e nder ɗin gimɗi, ɓe wirti kadi tooñooɓe ɓe laɓɓini.

Fii honɗum? ko tiitoonde deftere Seelenke Jallo nden, Misiide Ojoo nden Misiide Networke; ƴettii pehe janngugol ɗin gimɗi waɗta-ɗi e CD yaltinana jamaa on.

E bawgal Alla, men timminii golle-ɗen men hebilii-ɗe. Gimɗi ɗin fof ko noogaas e ɗiɗi (22) hawri. Ko janngi-ɗi non, ko Tafsir Balde Mo Misiide Network.

Moodi Seelenke Jallo ewnike goonga e gimɗi maɓɓe ɗin; ɓe finndinii leƴƴi, ɓe tuggii ɓernde ɓe wowlaninde ko iwata e ɓernde. Ɓe fensitii piiji iriiɗi, ufiiɗi e ɓernde, ɗi jom ɓernde yejjitataa. Ɓe noddiri’en daande nde aldaa e janfa, ɓe udditani’en laawol.

Jenntee ɗoo yeru (misal): 

Ɓe maaki: « Ko e Lewru Sanwiyee 1984 mi holli Ɓinɗi e jannde ɗii pulaarji winndaaɗi hakkunde Awril-Mee 1982, e Nowambur 1983″. Ɗum holli wonde deftere nden ko wallifanoonde gila ko ɓooyi. Hino jeyaa e tiitooɗe ɗii gimɗi: « Jo’o », « Kun fini » e « Yeƴƴito », e ko nanndi.

Ka hunorde maɓɓe ardiri wano nii: « Iskin! Geɗalɓe siinuɓe, musiɓɓe holluɓe ngorgu, ɓorti leƴƴi men laamu-wii e lette e tampereeji mun. Ñalaande Tati Lewru Awril 1984, men maanditoto! ».

Mo janngii gimɗi Seelenke Jallo ɗin, o weltoray ɗemngal pulaar/fulfulde e alɗere mun nden, o tawa hiɓe marannoo’en ton ngalu heewungu e kelme wondude e njuɓɓo labaango.

Tabitii sellii, si ɗemngal yuɓɓondi-ray, ko maa ngal mahoo taho e ligge adinooɓe, ngal wallinora konguɗi maɓɓe e kelme maɓɓe…

Awa Moodi Seelenke Jallo ko gooto e maranɓe’en ngaluuji pulaar/fulfulde heewuɗi ka deftere maɓɓe Fii honɗun? 

Haray ɓeɗo CD ngon hewtii on so Alla jaɓii, hingo e laawol.

Salminaango

Misiide Network

misiidemedia@gmail.com

+212 6 05 58 92 28

www.misiide.net

www.misiide.net/ar

Rokku miijo (coment)

%d blogueurs aiment cette page :