Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Fii amen

Misiide Network, ko lowre (site) gannde, pinal e ɓamtaare; ka ɗemngal Pulaar/Fulfulde. Nde sincaa ko ñalnde 01/01/2013, nde fuɗɗii golle e lewru fabraa’iru (Colte) ndun.

Ko tawde hari lowe Fulfulde ɗuuɗaa ka jowlol enternet waɗi si men fampii Misiide, ngam haali-pulaar en heɓa ka jannga ka ɗemngal Pulaar fii pinal, diina, gannde e ko nanndi.

Wonirde nden hina jogii geɓe ɗiɗi e lowe fewndo ɗoo, ko kanje woni les ɗoo :

1. Misiide Pulaar nden :
Ko kayre woni lowre lasliire nden, ko ɗon Fulfulde nden winndirtee Alkule Laten ɗen yowetee; wonndude e winndanɗe Faransi e Engele seeɗaaje. Jokkorde mayre nden ko nii : www.misiide.com walla www.misiide.net

2. Misiide Arab nden :
Fii ka musiɓɓe men fulɓe e yiɗuɓe pine fulɓe tawayɓe ɗigginaa pulaar ngal fotta, ɓe janngira Misiide nden e ɗemngal Arab. Ko wano non kadi fii ka defte mawɓe men ɓen yeeɓee dankitee, tawde geɓe ɗuuɗuɗe e ɗen defte ko e Arabu winndiraa. Jokkorde ngal geɓal Misiide Arab ko nii : www.misiide.com walla www.misiide.net
Ko ɓeyditugol tun ɗum ɗoo /ar yeeso lowre lasliire nden www.misiide.com www.misiide.net

Dunce Misiide ɗen
Misiide Network hina jogii noone ɗiɗi e dunce: Ko dunce daɓɓe (Court terme), e dunce woɗɗuɗe (long terme).

Dunce daɓɓe ɗen:
1. Misiide Defte:
Wallifaade Saggitorɗe (dicos), ñaldinkooje (calendriers), Terminolooziiji, defte diina e pine fulɓe, defte gannde kese (informatique), e ko nanndi.

2. Misiide Media:
Himo peccii ɗiɗi: Widiyoo (mbodo) e ojoo. Ko ngal duncal woni ko kippata yaltingol kasetaaji jewte diina e pine (bayaanaaji, taali e tinndi, naamuuji fulɓe ekn), e tinndinooje (tutoriels) gannde kese, e tafude ɓeɗi (cd) e fannu kala, e ko nanndi.

2) Dunce woɗɗuɗe ɗen
3. Misiide duɗal:
Miijo fii sincude duɗal jannginirgal Pulaar e diina e gannde ka ɗemngal Pulaar, hinde peccii ɗiɗi kayre kadi: Wootere nden ko ka enternet, ndeya nden ka yaasi si Alla muuyii.

4. Misiide Magazine
Ngam yaltinnde ɓatakal (journal) lewru kala walla lebbi ɗiɗi kala-no feere mun heɓori woo- men waɗa hen piiji ndan: Diina, pinal, renndo, taariika, fillayee, ballafuyee, kumpite, jalniika, taali e tinndi, jiɓi-liɓi, gannde kese, lesɗe e ca’e fulɓe, kawre (rencontres), e ko nanndi.
Hara ngal sennditete e leydi kala ka janngoowo hittinɗo fii pulaagu woniri e winndere nden.

5. Misiide Rajoo:
Si Alla salaaki, misiide nden sincay rajoo mawnuɗo tawa ko pulaar tan yewtetee ton, hara kadi ka haali-pulaar jo wontirii woo, o henndoto kañum rajoo on, o heɗitoo.

www.misiide.net

www.misiide.net
www.misiide.net/ar

www.misiide.net/ar

Tafsir Balde

Mo Misiide Network

Rokku miijo (coment)

%d blogueurs aiment cette page :