Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Miijo : Tuma diina jillaa e pinal, haray ko jilɓuru!

Banndiraaɓe tedduɓe, piiji ndan hino woowaa ka men, fii majji no duwaa ndarteede, piiji hoccitaaɗi, ɗi alaa lasli, ɗi alaa kadi wonirde ka men…! Hino tawaa e ɗin piii; fiɓugol gomɗina wonde kala on jaŋguɗo diina, on ɗon ko fii defte tun duwaa yewtude, si o jooɗoday kadi; ko yimɓe diina tun, si o ɓornoto, wonaa ɗi ɓeya ɗin, rewɓe ɓen; wonaa yo o hiwroɓe, sakko o yewtida e maɓɓe, ɗum ko ko o hanndaa e mun, hay si tawii non ko o noddoowo e diina kan, sonnaaɓe ɓen tawetaake!

 

E miijo am, ɗum ko faayere! Sabu en tawraa ɗum mawɓe ɓen, ɗum winndaaki kadi ka diina men! Ko enen tun anndi ka ittiri ɗum. Wota mo ukkindir diina e pinal, maa diina e finaa-tawaa!. Ko woowaa ka men, jamaa on fow ko gootun, mo kala hino anndi ka oya jogitetee ɗon.

 

Ko e pine aarabu wirngallo woodi hakkunde jamaa on e jaŋguɓe ɓen, si on wiƴƴitike (ɗaɓɓitii) fota on ndaarii, ma on taw wonaa fii diina tun woni sabu on wirngallo hakkunde renndooji maɓɓe! Ko ɗum mi hoolii mi felliti kadi. Sabu ɓurɗo suuɗaade on e on jikku, ko fii anngal hoolondiral hakkunde maɓɓe. Ko ka maɓɓe nanataa suka no yani e banndiraawo mun debbo, maa mawɗo no dooli ɓinŋgel mun jiwel, maa goɗɗo no murtini ɓeyngu kotoo mun…

 

Ka men le, gooto kala hino teddini oya, hino anndi haa ka haaɗata. Goɗɗo wonday e ɓeyngu kotoo mun suudu wooturu; hara huunde e ko boni yanndaali ɓe, jiwo jombaaɗo hoɗay ka esiraaɓe mun; fayɓe ɓen fow teddina mo, huunde a nanataa e paŋkare feƴƴayɗe ka ɓeya!

 

Wota mo sikku non, mi faala daginnde jillondiral! Senayee woodani Alla e ɗum! Alla danndii lam kadi ɗum! Ko woni tun, mi sifoto woni woowaaɗi ɗin ka men, ɗum e wonde hiɗon gelli ɗi onon kadi.

 

Banndiraaɓe tedduɓe,

Hannde hannde, jannguɗo Aarabu, maa janngi defte diina, on suusataa hay hiwraade debbo, wonaa non fere kan ɓe yewtida ko fotata wa sagara ɗiɗi; haray o heɓii innde o defaali!

« EEE kaari! Wonaa onon woni ceernooɓe ɓen? » A SIKKAY ceernoojo kan ko malayka? Awa waɗta-nen yiila, wota en ukkindir piiji ɗin. Wota en ñembu woowaaɗi woɓɓe; cato-ɗen e majji, haray en jiiɓii ka men.

 

A suusataa hiwraade banndiraawo, hara ɓe fuɗɗii bugaade ma kure: « Hey! Jombu nani, reeno nani, hiɗa hulɓinii nani, wonaa nii nani, waɗu doy nani… » A nanay ɗi fow! Si ɓe jaɓiino, ɓe accayno, ko en ɓii Afriknaaɓe, en woowaa ngol wirngallo hakkunde jamaa on. Mo jaɓii yo o accu, o reenoo e tuuningol Ceernooɓe ɓen.

 

On accay hakkee, ko annde am mi holli. Si mi faljii faljitee; waddataa.

 

On salminaama
Tafsir BALDE
www.misiide.net

 

Rokku miijo (coment)

%d blogueurs aiment cette page :