Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Miijo no limgal fulɓe newora

Ɓaawo min janngii ɓataake mawɗo Tijaan Mbaalo  fii limgal e keeweendi haalooɓe Fulfulde / Pulaar, men tawno ndee toɓɓere LIMGAL FULƁE, maa keeweendi Fulɓe, ko e toɓɓe ɓurɗe himmude ɗe pot-ɗen daranaade, ɗuum waɗi min meeɗii waɓɓude e TPI yo immano ndee toɓɓere, eɗen nana limooje janteteeɗe ɗe njaɓnaaki, yimɓe men kadi ko ɗeen ɓe pillotoo e binndi e haala maɓɓe, hulɓinii heen ko geɗe ɗiɗi:

  • ɗeen limooje ɗe cellaani si ɓooyii ko ɗeen ngontata goonga (fenaande wonta goonga)
  • ɗeen limooje ustooje keeweedni fulɓe na waɗa yimɓe tina ustaare natta hoolaade ko e maɓɓe tawa ɗum fawaaki e goonga.

Minen ɗoo e janngirde ɗemɗe Afrik e jaaɓi-haaɗtirde Keer (Université  du Caire) ɗum na jeyaa e toɓɓe pooɗondirteeɗe, heerorɓe ɗemngal heen kala na hollira keewal yimɓe maggal, o yiɗa ustude keewal heddiiɓe, wano jannginooɓe Hawsa (ejiptenaaɓe) mbi’a haalooɓe Hawsa na ɓura milyonji 200, ɓe usta haaloɓe fulfulde e wiide ko milyonji 16, woɓɓe mbiya ko 26 milyon! Tawa ɓe pawaani ɗum e ruttorde, kono si ɗum winndaama e deftere, hay so wonaa googa, ko ndeen deftere wontata ruttorde.

Aduna hannde oo noon ɓurɗo toowde ɗemngal fof ɓurata naneede e jaɓaneede, ɗuum waɗi kala mbo jogaaki (alaa) jokkorɗe jaayndeyaŋkooje (MEDIA) anndetaake jaɓantaake, enen noon haa jooni en ngalaa geɗal e media !! ko enen mbaɗi noon.

E defte ɗe janngu-mi limoore haalooɓe fulfulde ko gila 26, 35, 40 – 50 Milyon, ɗee mimooje na woɗɗondiri, mina hoolii limoore haalooɓe fulfulde/Pulaar ɓurii ɗum, kono enen en cuusaa fen’de (fewde) ɗuum noon añde en fen’de na haani duña en e yiilaade goonga, aduna hannde oo noon ɓurɗo toowde ɗemngal fof ɓurata naneede e jaɓaneede, ɗuum waɗi kala mbo jogaaki (alaa) jokkorɗe jaayndeyaŋkooje (MEDIA) anndetaake jaɓantaake, enen noon haa jooni en ngalaa geɗal e media !! ko enen mbaɗi noon.

Anndude keewaandi fulɓe na waawi wonde, miɗo sikki ɗum foti won’de ko les (ley) njiimndi, les yuɓɓino, fedde anndaande jaɓaande, ndeen woni TPI, ngam siinude ngoo miijo, ko adii fof, engo haani jeyeede e toɓɓe ɗe TPI foti yeewtude e soobee e batu mum aroowu, waɗa taaɓe dottaaɗe:

  • waɗde goomu toowngu renndinngu mawɓe hooloraaɓe iwde e leyɗe ceertuɗe, tawa ko nguu goomu jiimata e golle ɗe;
  • dottude laawol e eɓɓoore no golle ɗe poti siinireede, gila e haanɓe wallondireede nder leyɗe ɗe e no ɓe poti gollirde, haa e no limooje ɗee renndinirtee hawridinee tawa eɗe celli;
  • yaltinde eɓɓoore jawdi heeriinde ko haani gollireede;
  • dottude laawol no jokkondiral newortoo yaawa hakkunde gollanooɓe ngoo miijo, wano waɗde wonirde enternet (site internet) e E-mail …

Anndude keewaandi fulɓe na waawi wonde, miɗo sikki ɗum foti won’de ko les (ley) njiimndi, les yuɓɓino, fedde anndaande jaɓaande, ndeen woni TPI

Miin miɗo heblii tawtoreede ɗee golle fotde baawal am. Wota leeltinen golle hannde faade janngo jaɓɓal aduna hannde oo na yaawi, fulɓe mbii: MI ALAA HIRAANDE HAƊATAA JAMMA ARDE, a waalat/lan reedu ɓoldu tan (mehru) kono jamma kam yahata ko haaju mum.

Accon hakke
Yo Geno wonan en ballo, ngannden Geno ko tiiɗniiɗo tan wonanta ballo.

Abdou BA

TP/Leyɗe Arab

Tel: 002 01006294217

 

 

11 Responses to Miijo no limgal fulɓe newora

  1. banndiraado winndnnde maa,waddi fayiida.Yoo Alla yob moy’y’ere!.Pulaar wi’i « Nande y’akkuru lu6am niiy’e,alaa.Wadde kala nokkudo, ko e hunuko mum fayri.Ful6e ngaree nokken gila jiiraaka.

  2. AA pullo ngenndiyanke hono nde winnde ndannde ina sokla sanne e oyonta pinal e karallaagal.

  3. Amadou Diallo dit :

    duum noon besngu fulbe ina haani himmirde janngude demngal mum e tiidnaade e gonka e pinal lenyol ngol

  4. Ko fenaande/ fewre! yere senegaal limoore laamu nguu wi’ata fulve ko 21% tawa fulve vurii 50% yeru senegaal wazi ko diiwe 14, jeezizi fuu
    ko vuri keewal 7 keddiizi zii ko fulve ngoni leñol zizavol alaa
    diiwaan mo fulve ngoni leñol tatavol e senegaal..

  5. Oumar Diallo dit :

    Kadi Banndiraa6e cazeele 6urze mawnude woni. ful6e hew6e mbinndotaako. sabu zo e nder leydi Benin ful6e no keewi kono jaccere kayitaaji accaani 6e nji,a.

  6. Zuum ko huunde fotnde huccaneede, sabu Alfaa Aamadu JALLO hooreejo Tabital Pulaaku Winnd no wi’iri nii e yeewtere makko to Jeune Afrique: Fulve anndaaka no poti, anndidaaka to ve kozi.. Te kala ko wozve
    kaali e mavve so a xeewii tawataa feccere ndee ko..

  7. Ko non woniri Banndiraabe teddube émoticône like Ko maa ndaara-nen ndee tobbere ka lawɗi! Moodi Oumar Diallo a yewtii goonga émoticône like Fulɓe heewɓe winndotaako, ɗum kadi ko ella!

  8. Oumar Diallo dit :

    Ko Goonga ko janngu6e kaani daraade mbela pulaagu ina winndito 6e laato anndaa6e 6e zo, ngannduza ina 6uri 6alee6e fof keewal soko 6e nji,aaka ko jasre men zum noon anndu6e. zanniyankoo6e tiinnozen mbela ful6e ina mbinnditoo!!

  9. Abdou BA dit :

    Banndiraaɓe tedduɓe, on kaalii goona, enen fof ko yi’annde wootere njogi-ɗen, yo en njokku ndee yeewtere haa yottoo e koɗore men e laamɓe men e annduɓe e aynaaɓe (durooɓe) e jaayndeyaŋkooɓe…. mbaasen haaɗde e haala tan, ko maa golle mbaɗee. E bannge goɗɗo alaa e sago njogo-ɗen caaktirɗe kabaruuji naneteeɗe e ji’eteeɗe. Daande men yo won wootere eero-ɗen (ɓamten daande dow) haa woɗɗuɓe adoo nande ɓadiiɓe. Abdu BA, Ejpte

  10. Mido weltori gal demngal men Pular. Mi salminii on fow yo haaloobe pular.

  11. Mussidho , fii no dhingal Pular newora . on wadhai dintal tumbaigal haali Pular Afrique fow .

Rokku miijo (coment)

%d blogueurs aiment cette page :