Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Maanditaare : Misiide Network dañii hitaande e duncal pulaaku

 

Banndiraaɓe tedduɓe, janngooɓe Misiide,
Rowani wa nii hari miɗen e tafangol en lowre (wonirde/sit) fulfulde fii ɓamtal pulaaku e ɗemngal mun. Ɗum hawri e lewru sanwiyee ndun hitaande 2013, lewru ɓawti mun Geno on newnani’en fampagol lowre nden ka enternet, waɗa-nde e sookeeje janngooɓe hittimɓe fii pulaar e pine fulɓe ɓen.

 

Ɗum kadi hawri e fabraa’iru ndun nden hitaande yawtunde (feƴƴunde). Janngee ɗoo bayyino ngon bit.ly/L4ODDl Tippude e weltanagol Alla seniiɗo bajjo on; newnangol en dankitagol ndee lowre gila nde sincaa haa fewndo hannde, men tawi maa men hawtida e mon mawningol oo gannditi.

En yewtata ɗoo no Misiide heɓori sabu ɗum ɓanginanooma e winndannde men kiɗɗe ɗen .Ko woni tun en anndintinay seeɗa e ko men waɗi gila Misiide sincaa haa fewndo hannde, ko wano non men humpitay on eɓɓooje amen ko feewi si Geno on muuyii. Men wi’ana on:
– Eɓɓooje Misiide ɗen hino ɗuuɗi, on taway hiɗe maandinaa ka selirde (lien/link) ɗoo bit.ly/19Y6PKC hunnangol-ɗe fow majje e laawol gootol wonataa ko newii, kono non men etoto yeru amen on si no muuyaa. E nder ɗen eɓɓooje men humpitay on wonde seeɗa e majje nanganaama, wano wallifagol defte ngol; fewndo hannde men fallifike defte pulaar e banngal diina, gannde (informatik/hiiso), terminolooji, ekn. Ko heddii tan ko rewtagol-ɗe ado yaltineede, fii mun hino jokkaa.
– Ko wano non kadi men nannganii teepugol gimɗi pulaar/fulfulde waɗa e beɗi (CD) yaltina saakitana jamaa on, ɗum kadi woɗɗike men humpitay on fii mun ko neeɓaa.
– Ɓaawo tabitugol lowre men Misiide pulaar nden, men etino sincugol sengo Misiide Arabu ngon kadi wano men fodirnoo on non, ɗum kadi fampaama ko jokkorde nden nii www.misiide.net/ar
– Fii no jeyi-ren herto-ren innde Misiide nden ka enternet, miɗen eɓɓi kadi soodangol en hoɗirde (domain) dot com tawta dot net nden, ɗum kadi hino jokkaa.

Fewndo ɗoo, ko sugu ɗee dunce sappaaɗe dow woni ko men waawi ñiiɓinde e innde Misiide, e hoore non miɗen kippi kadi fuɗɗagol ko meemaaka kon taho.

Haray non kala faalaaɗo (yiɗɗo) gelagol fii Misiide humpitoo fii eɓɓooje amen, himo waawi naatude e ndee selirde ɗoo www.misiide.net/hol-ko-woni-misiide/

Hello amen ngon ka facebook ko nii www.facebook.com/Misiide
Ka twitter kadi ko nii www.twitter.com/Misiide
Ka fulaniface ko nii  www.fulaniface.com/Misiide
Ka Youtube ko ɗoo www.youtube.com/Misiide
Mo no faalaa ka neldira-men ɓatakuru o winnday e oo imel: misiidemedia@gmail.com

Men waynike, hiɗen haa yeeso.
Kuɗol: Muhamma’Tafsiir SALAMBANDE
Mo Misiide Network
 www.misiide.net

www.misiide.net/ar

Rokku miijo (coment)

%d blogueurs aiment cette page :