Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Lamndo: Kawral Misiide nden e Rajoo Renndo

Musiɓɓe tedduɓe,
 

E Dewo (Tenen) yawtuɗo, rajoo Renndo wernuno Misiide men nden ka  Dinngiral Fulɓe  ngam humpitude banndiraaɓe fulɓe heɗotooɓe rajoo on fiifampagol Misiide Ɓamtaare ka eenternet, ɗum woni kawral yuɓɓiingal, hebbiniraangal teddule e jonnondiro pehe, wonndude e faltondiraji; fof waɗuno e ngal kawral rajoo on nden ñannde.

Kawral ngal non yahuno ko ɓadii leereji ɗiɗi, jamaa on hino lanndoo, misiide nden jaaboo fii faandaare e eɓɓooje mun. Tigi-tigi, yewtere nden feƴƴirno mbaadi moƴƴiri, haa sertaa tawi fof hino weltondirani.

Haray non, miɗen njiɗi weeɓitannde on ɗoo yoga e kon ko feƴƴi e ngal kawral nden ñannde . Haray men mbi’a bismillah mon:

Rajoo Renndo : Hol ko (Misiide) yiɗi yewtude Bandiraaɓe heɗiyankooɓe Dingiral Fulɓe?
Misiide : Baawo yettude Alla juula e ɓurnaaɗo Muhammadu (Jom kisiyee), Miɗo salmina kala heɗitiiɓe R. Renndo fewndo oo saa’i ɗoo, weltanoo on battane (tolnannde nden).
Yewtere men nden ko fii humpitugol on, teddinira on sinncugol amen lowre pulaar sertunde e lowe (kumpite, ɓamtal pulaagu, pinal fulɓe, ekn), tawde non haray en jogitanooki lowre hertinanaande fii diina tan, waɗi si men sinncani ndee ɗoo, men innitiri nde Misiide Ɓamtaare, ngam wowtinngol ɓiɓɓe leñol ngol e kala haaloowo pulaar ; janngugol fii diina mun ka eenternet.
R. Renndo : Misiide Ɓamtaare woni hen faandaare ko fii diina walla hinde jogii faandaare (goo kadi)?
Misiide : Lowre nden ka lasli mayre ko fii diina e pinal, kono non meɗen waɗa ton kadi fii gannde kese, fii kumpite (kabaruuji), fii jalniika, fii taali e tinndi, e ko yowondiri e renndo fulɓe, … ko woni tun ko fii diina e pinal fulɓe men ɓurata dolnorde.
Renndo : Mbela hiɗon jogii wallodiiɓe fii firugol defte diina ɗen ka ɗemngal pulaar?
Misiide : Firugol ɗen defte wonaa e fuutannkoore tun firetee, wonaa kadi e fulankunndere walla Adamawaare tan, ko woni tun men waɗii ngoomu gollideteeɓe fii immanagol ɗee golle, meɗen gollida e ɓe fuuta Jaloo, ɓe fuuta Tooro, ɓe Maacina,…
Lamndal : Taw si ko defte sugu Lakhdaruyyu, e ash’maawiyyu en, ekn, eɓɓu ɗon firude ka pulaar, walla ko defte jamaanu hannde ngun ?
Misiide : Defte ko men saatii firude kon ko noone ɗiɗi :
• Ko defte ɗe mawɓe ɓen winndunoo accani en
• E defte diina winndiraaɗe aarabu ɗen; yowondirɗe e laawol Maaliyannke ngol.

Ka timmoode, meɗen njiɗi hattude ɗoo ko yowondiri e ngal kawral Misiide nden e rajoo Renndo  ka dingiral fulɓe. Ɓuri ɗum ɗoo yewtano nden ñannde, woɓɓe lamndii ɓe fallitaa, woɓɓe kadi jarni eɓɓoore nden, fof weltondirani, waynondiraa e yamondiral jokkude golle.
So Alla jaɓii, ma men yowan on kawral ngal e mbaadi sowto (ojoo) hara on nanay hoore mon, ko adii ɗum, on yaakitoray ndee ñoggannde ɗoo.

Men salmninii on
Misiide Ɓamtaare

 

 

Rokku miijo (coment)

%d blogueurs aiment cette page :