Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Laawol Fulɓe 1/3

Kuɗol Abdullaay Yerel Soh

 

Abdullay
Abdullay

Fulɓe ko leñol mawngol jaajngol e nder Afrik, kono so neɗɗo ɓetondirii keewal maɓɓe e heɓindaare maɓee; tawata ko heɓindaare maɓɓe ina famɗi no feewi to baŋngeeji fof noon, foti ko to dawrugol walla jojjanɗe ɓii leydi goɗɗe, ko goonga noon ngonka maɓɓe e nder leyɗeele ɓe koɗi ɗee ina seerti seeɗa, kono e mbaadi kuuɓtodinndi kala to ɓe ngoni ko ɓe ɗawaaɓe. So en ƴettii yeru jojjannde pinal; kala to ɓe ngoni ko ɓe ɗawaaɓe, leydi hono Senegaal walla Gine Konaakiri hannde so teleeji mum en kollirtaa pinal fulɓe so wonaa seeɗayal; ɗum ko huunde nde fotaani won’de. Ndee ɗawre noon ina gasa tawa won ko laamuuji ɗii mbaɗi heen, kono kadi won heen ko fulɓe mbaɗiri juuɗe mum en, ko ɓuri heen ko heewde nih ko kamɓe mbaɗi!!…

Enen fof heɗen teski fulɓe ina njiɗi joñaare, e waasde naatondirde e yimɓe woɗɓe, ko noon kadi ɓe njiɗiri reentaade haa ɓurti, haa wonti ustaare, addaniɓe yaawde taayde, sabu añdeɓe wi’eede, yantude kadi ko heewi jaɓatah gollaade won e golle, teeŋti noon ko faati e pinal ( mago, misik, njimri, hay jaayndeyaagal), ko faati e dawrugol ɓe njaɓataa won’de konuŋkooɓe walla polisaaɓe, duwañeeɓe e ko nanndi heen, ndee ɗo yiɗde joñaare e faltaare noon addaniiɓe caɗeele e tampere mawnde. Wonti kala to pullo yahri e nder Afrik koko tampintee, to keeri leyɗe ko kamɓe ɓuri waawde naamneede ɗereeji, to nder leyɗe maɓɓe ko kamɓe ɓurata tampineede e gollirɗe laamu, njoɓnatee njeenaari, tawde wonaa koreeji maɓɓe ngollata toon e ɗee gollorɗe, kamɓe ɓe njaɓaano jaŋnginde ɓiɓɓe maɓɓe, walla tawa ɓe calino yoo ɓiɓɓe maɓɓe naat e hono ɗee golle…
Ngam Ittude ɗum e miijo am, alay sago ndewen e ɗee taaɓe garoojo:

– Kamɓe fof ɓe njongoo njuɓɓudi mawndi, ndenndinndi fulɓe fof, hono Tabital pulaaku winndere nih, tawa kala pelle gollanooje pulaar, e nder kala leydi ina kawri heen, ko fewjatee heen fof tawa koko hawraa, hay gooto kadi fotaani yaltude heen. Eɓɓooje potɗe siineede e dumunna daɓɓo e juutɗo fof lelnee, ko faati e jaŋde, faggudu, renndo, dawrugol, tawa horooɓe ina cuɓaa ngam rewindaade no eɓɓooje ɗee ciinirte, tawa ko e dow laabi ganndal. Miɗa sikki TPW fuɗɗiima huccitan’de ndee toɓɓere…

– Himmiran’de jaŋde e kala nooneeji mum, e naatnude sukaaɓe jaŋde gila law, tawa kadi ko jaŋde nafoore, jaŋde hesre waawnde faaboyaade joomum, ɗaɓɓirteende golle, waasa wi’eede ko maa yimɓe fof njaŋnginee diine. Ko noon kadi woownude sukaaɓe golle dental e ballondiral, kadi naatde pelle, huutoraade ɗemngal fulfulde gila heɓe mbaggiɗi nder nguurndam maɓɓe kala, Ɓe nganndinee finaatawaaji men, e faarnoraadeɗi, e waasde hersirde hoore mum e ko jey…

Abdullaay Yerel Soh
To Keer Misra (Muriraninaajo)
e-mail: laayisoh@yahoo.com
facebook: Abdulaay Soh

 

Rokku miijo (coment)

%d blogueurs aiment cette page :