Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Diina: Ko joli e ɓure sabbordu suumayee ndun (le mois de Cha’ban)

Sabbordu Suumayee

En fuɗɗorii innde Alla, jom moƴƴere huuɓunde, jom yurmeende heeriinde
Musiɓɓe tedduɓe,
E nder balɗe seeɗaaje, haray en naatii e lewru sabbordu suumayee ndun (le mois de Cha’ban), wonannde mo Alla tawni-Yo O tawnu en he jam- Tippude e gannde koode ɗen, sabbordu suumayee ndun e ndee hitaande men 1434 fergu, hawray ñannde 9 walla 10 Yuunuhu (Juin) 2013 so Alla muuyii.

Hakkee non ko ɓure nduu lewru mawni kon ka diina men, nulaaɗo men on (Yo O his) laatinoke hiɓe hebbinoray-noo e dewe e mayru, ngam hebilanagol lewru suumayee ndun, ɓe ɗuɗɗina hoorugol e naafugol jemma, e ko nanndi.

Ko wano non mawɓe men ɓen fuuta mawninir-noo nduu lewru sabbordu suumayee, ɓe cuɗora dewe e mayru, ɓe waɗa haajuuji bolonndaa e mayru, wano resinnde sukaaɓe worɓe ɓen, e sukaaɓe rewɓe ɓen, haa no ɗum ñiiɓiri nii ka men, waɗti jooni dewle ɗen ko he sabbordu suumayee ndun dabbata ka men, ɗum waɗi si ndu jammaa e fewndo men sabbordu sonnaaɓe , woɓɓe jalira ɗum ɓen rewɓe ɓe jombaaka (resaaka) e fewndo mayru, ɓe wi’a : « Si sabbordu suumayee accii jiwo, haray heddike ko arata ! », hakkee ko tawi kon jombule ɗen sukkiraa e ɗiya lebbi wano sabbordu suumaaye…

Awa hikka kadi, sabbordu suumayee ndun ɓaɗtike, pulaar wi’i : «Ñalaande ko woɗɗunde woodi, kono nde hewtataa alaa ».

Musiɓɓe teddube,
Misiide Ɓamtaare hino seenodani janngooɓe mun ɓen ɗoo, yoga e ko joli eggaa e Ɓurnaaɗo Muhammadu (jom kisiyee), fii ɓure nduu lewru sabordu suumayee, ngam ñemti-nen ɓe, ɗaɓɓi-ren ɗum welayee Alla, hebiloro-ɗen ɗum kadi lewru suumayee saatiindu ndun si Alla jaɓii.

Fillaama e Aa’isha (Yo Alla wele ɓe), nulaaɗo Alla on mo jam e kisiyee woni e mun on hoorayno haa men wi’a : « Ɓe taƴataa han kadi korka maɓɓe kan » ; hiɓe taƴaynoo kadi haa men wi’a : « Ɓe hooritataa han kadi », mi yi’aali nulaaɗo on (Yo O his) hino hoora lewru timmundu si wanaa suumayee, mi yi’aali kadi lewru ndu ɓe ɓurata hoorude e mun haa hewtitoo sabbordu suumayee ».
Fillike mo Bukhari e Muslim

D’après Aicha (qu’Allah l’agrée), le Prophète (que la prière d’Allah et son salut soient sur lui) jeûnait au point où nous disions: « Il ne rompt plus son jeûne »; et il rompait son jeûne au point où nous disions: « Il ne jeûne plus ». Je n’ai pas vu le Prophète (que la prière d’Allah et son salut soient sur lui) jeûner un mois complet à l’exception du ramadan et je ne l’ai pas vu jeûner un mois autant que cha’ban.
(Rapporté par Boukhari dans son Sahih n°1969 et Mouslim dans son Sahih n°1156)

Eggaama e Usaama Ibn Zayd (Yo Alla wele mo), mi wi’i: E nee nulaaɗo Alla ! Mi yi’aali ma hiɗa hoora e lewru wano hoorirtaa e sabbordu suumayee ! Ɓe maaki (S A W) : « Ndun ko lewru ndu yimɓe ɓen welsindii e mun, hindu hakkunde raajibi e suumayee, ko lewru ndu golleeji ɗin ɓamtetee ka Alla, min le miɗo yiɗi nde golle am ɗen ɓamtetee hara miɗo hoori ».
Fillike mo Nasaa’ii

D’après Ousama Ibn Zayd (qu’Allah l’agrée), j’ai dit: Ô Messager d’Allah, je ne t’ai pas vu jeûner dans un mois autant que tu le fais dans le mois de cha’ban! Alors le Prophète (que la prière d’Allah et son salut soient sur lui) a dit: « Ceci est un mois à propos duquel les gens sont négligents, il est entre rajab et ramadan, c’est un mois durant lequel les actes sont élevés vers Allah, et j’aime que mes actes soient élevés alors que je jeûne ».
(Rapporté par Nasai et authentifié par Cheikh Albani dans Tamam Al Minna p 412)

 

Timmii

Ko e yettude Alla ɗii ɓinɗi ɓangiri

Yo Juulu e nulaaɗo o hisna mo

Kuɗol: Muhammad Tafsir MBalnde

Mo Misiide Ɓamtaare

fii diina, pinal e ɓamtaare

Wassalaam.

Rokku miijo (coment)

%d blogueurs aiment cette page :