Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Kawtal janngooɓe pulaar-fulfulde e leyɗe Arab heɓii salndu ka laamateeri Marok

dsc_0521Ɓaawo duuɓi juutuɗi e etagol no moftira sukaaɓe fulɓe ngonɓe e laamateeri Marok fii sinncugol salndu kawtal janngooɓe Pulaar/Fulfulde e leyɗe Arab, Alla newnanno men hikka tinntodugol e yoga e ɓen sukaaɓe fii ndun muraadu. E nder laamateeri Marok ndin sukaaɓe fulɓe hino ɗuuɗi sanne ko ɓuri ɗuuɗude kon e maɓɓe ko janngooɓe e duɗe sertuɗe, seeɗaaɓe ɓen hino liggoo ka njulaaku e ko hinaa.
Ko e bawgal Alla men yogaaɓe waawiri softinirde ɓen sukaaɓe fii waɗtugol yiila e pinalji mun ɓamta ɗemngal mun, men aamaali yahude ka koɗooli maɓɓe neldaɓe defte Pulaar humpitaɓe ka Pulaar fewndii e winndrere nden, men nelda woɓɓe defte yowondirɗe e ɗemngal ngal ka internet, ko wano non men ɗaɓɓitirno gooto kala ka o yiiretee ɗon fii teddinirgol mo eɓɓooje amen.

Fewndo ɗoo ko iwruɓe: Gine, Senegal, Mali, Gine-bisao, Najiriya… woni feddeeɓe kawtal Marok ngal, yiilirde timmunde waɗaaka taho haa molon heɓoo, kono haldaama yo yiilirde mawnde nden wonu ka saare maynde Rabaa, e nder hen men etoto haa no ɗeya ca’e heɓira calɗi kawtal ngal, golleeji ɗin senndodee fii fof.
Kawtal Marok hino miijii waɗude dunnce keewɗe fii ɓamtugol pinal e ɗemngal Pulaar e laamateeri ndin so Alla jaɓii, tawaa e ɗen dunce:

Wallifagol saggitorɗe Pulaar Arab
Waylugol yoga e defte diina ɗen ka Pulaar
Wallifagol defte e banngal jannde (Gannde kese) ekn
Sinncugol ɓatakal Pulaar lewru yannke wal
Etagol no Pulaar wowtiree e laamateeri ndin
E ko hinaa ɗum so Alla muuyirii no wawri.

Kono fewndo ɗoo taho ko annuyee on tan woodaa, feere alaa hay nokkuure men alaa ka men fotta taho e innde kawtal ngal wonaa non fere kan mbawdi immanagol ɗee golle, tawde non ko ɓuri heewude kon e feddeeɓe ɓen ɗigginaali jannde Pulaar nden taho!
Ka timmoode ngoo welo-welo, kawtal Marok hino toroo kala daraniiɓe Pulaar e winndere nden ballal e bannge ɗen fow, teŋtinii Tabital Pulaagu Windere fii no ɗee golle yaara yeeso

Kawtal Marok
On njaaraama

Rokku miijo (coment)

%d blogueurs aiment cette page :