Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Kawral e Prof. Hammadi Bookum, (g)ardiiɗo IFAN_CAD to Dakaar, Senegaal

Prof. Hammadi Bookum fuɗɗori jande ko senegaal, o heerorii ko ganndal tawaaɗi e batte daartol, o heɓii seedeeji :

 

Kawral ngal wonirnoo yeewtere haala nanngaaka e lefol no ardata ɗo:

Dorker Abdu Bah (DAB): Ko woni IFAN e hono fuɗɗorii haa yottii no woniri jooni ?

Prof. Hammadi Bookum (Bookum): on njaaraama, IFAN wonndoo ko «Institut Français de l’Afrique Noire: IFAN» woni: Janngirde faransiyaŋkoore wonan’de Afrik ɓaleeɓe. IFAN waɗanoo ko gila hitaande 1936 e njiimaandi / kolonaaku (colonial) Faranse en, wonndoo faandaare nde ko renndin’de kala ngalu pine e gannde Afrki ɓaleeɓe, tawa ɗuum na walla ɓe anndude ɗeen pine e gannde, e ngaluuji ɗi afriknaaɓe njogii.     

Adii ardaade IFAN ko bi’eteeɗo Teyodor Mono, oon tuma kala leydi e leyɗe Suudan hirnaange na jogii catal IFAN, ɗuum noon ko haa ɓe mbaawa renndin’de ganndaaɗi (information) ko faati e leyɗe e leƴƴi nokku o, caggal /ɓaawo ɗuum ɓe ndenndina ɗiin ganndaaɗi to IFAN mawnde to Dakaar, ɓe ƴetta ɗi ɓe nawa Faransi.

DAB: Ɗuum ko ngonka IFAN les / ley njiimaandi Faranse en, caggal jeytaare hono IFAN woniri?

Bookum: Caggal jeytaare (indépendance) nde yahi haa e hitaande 1966 e koolol (festival) ɓaleeɓe woni ko innde IFAN waylaa wonti «Insttitut Fondemental de l’Afrique Noire: IFAN » nde daranii wiɗtude kala ko woni nder leyɗe ɓaleeɓe.

Nde yahi haa e hitaande 1986 nde Seek Anta Joop yalti aduna (natti) o inniraa janngirde nde, nde waɗti wi’eede IFAN Seek Anta Joop.

Hannde, IFAN ko janngirde wiɗtooji kala ko faati e gannde e pine e nguurndam e ngaluuji Afrik ɓaleeɓe, jooni limoore annduɓe wiɗtooɓe jogiiɓe doctorat (ph.D) na wona 45, yantude e haralleeɓe (techniciens) 80, ɓeen fof ɓe liggoda nder IFAN.

IFAN waɗanoo ko gila hitaande 1936 e njiimaandi / kolonaaku (colonial) Faranse en, wonndoo faandaare nde ko renndin’de kala ngalu pine e gannde Afrki ɓaleeɓe, tawa ɗuum na walla ɓe anndude ɗeen pine e gannde, e ngaluuji ɗi afriknaaɓe njogii.  

DAB: MBela aɗa waawi laɓɓinan’de min hoko IFAN wiɗtata?

Bookum: ko IFAN wiɗtata ko na yaaji, gila e aadaaji e fina-tawaaji, e gannde ɓaleeɓe, e binndaaɗi ɓooyɗi (kiiɗɗi), wano binndaaɗi Lislaam, e binndaaɗi e ɗemɗe men tawa ko e alkule arab, ko anndiraa AJAMI, na anndaa won’de binndaaɗi islaamiyaŋkkooji ɓurɗi ɓooyde (faɓɓude) to hirnaange Afrik woni ko IFAN, na woodi heen defte ɓooyɗe nafooje, wano deftere Juhuurul Basaatiin, winndi nde ko Seek Muusaa Kamara, na woodi toon Kur’aana pirtaaɗo e ɗemngal Pulaar/fulfulde ɓurɗo ɓooyde, na woodi kadi kala ko faati e ngaluuji ladde e lekɗe (leɗɗe) e kala ko faati e kullon ladde, sabu ɗiin fof ɗi haani reeneede, so ɗuum alaa maa ɗi majjit sabu nguurndam ko ko waylotoo.

hamady-bocoum.  Credit Photo: www.ndarndar.com

hamady-bocoum.
Credit Photo: www.ndarndar.com

Fewndo hannde woni miijo heso ngo ko yo jande nde yahdu e miijooji eɓɓaaɗe ngam ɓamtaare..Kadi min ngoni ko e renndin’de annduɓe afrik, tawa golle maɓɓe na mbaawa yuɓɓaade..

Nder IFAN na woodi woroŋaaji (ƴi’e maayɗi) wano woroŋaaji kollon kon ngoodataani jooni, e nooneeji liɗɗi e colli, na woodi kadi ɓornateeri maskuuji, teeŋti noon yimɓe ɓe ngonaa juulɓe, sabu ɗuum fof jeyaa ko e pine Afrik.

DAB: MBela na woodi miijooji  kesi nder golle IFAN?

Bookum: Na woodi tigi, ndeer duuɓi ɗiɗi jawtuɗi ɗii Senegaal ko ko fuɗɗii jaɓɓal jande kesal, ko yawtunoo duɗe e janngirɗe e Jaabi-kaaɗtirɗe ɗee (Universités) wonndoo golle majje ko ekkitde yaltina jannginooɓe e calɗi jande ceertuɗi.

Enen Afrik eɗen carii, leyɗe 54 alaa heen leydi jogiindi baawal mbaylaagu (industrie) mawngal… minen to IFAN miɗen miijii denndal Afrik to baŋŋe gannde e wiɗtooji.

 

Kono e yonta / fewndo hannde woni miijo heso ngo ko yo jande nde yahdu e miijooji eɓɓaaɗe ngam ɓamtaare. Kadi min ngoni ko e renndin’de annduɓe afrik, tawa golle maɓɓe na mbaawa yuɓɓaade, sabu so en ndenndaani en njuɓɓinaani golle men en mbaawataa heɓde doole / semmbe.

Hannde ɗaɓɓaa ko golle denndaaɗe, ngan-nden caru moƴƴaani, kala ɗo njah-ɗaa e aduna o yimɓe ɓee na ndennda, ɓe mbaɗa kawte e goomuuji mawɗi, ko ɗuum addata baawal ɓamtaare.

Enen Afrik eɗen carii, leyɗe 54 alaa heen leydi jogiindi baawal mbaylaagu (industrie) mawngal. Ɗuum waɗi minen to IFAN miɗen miijii denndal Afrik to baŋŋe gannde e wiɗtooji. Teeŋti noon duɗal Afrik ngal IFAN inniraa ko ganndo mawɗo Seek Anta Joop, daraninooɗo pine e ngootaagu Afrik, ɗuum waɗi IFAN na jokki ndee faandaare, wonaa tan haaltude ko Seek Anta Joop haalnoo, kono min njahata ko naatnude gannde kese ɗe e wiɗtooji jahdooji e eɓɓooje ɓamtaare, ɗuum okkata en baawal wirtaade / ɓennude ngonka men hannde haa mbaawen yahrude yeeso.

DAB: Ɗuum firti ko won’de wiɗtooji IFAN hannde ɓuri yahrude ko yo ɗi (n)jokkondir ɗi tamondira e ɓamtaare renndooji men Afrik?

Bookum: ko noon tigi, sabu hannde na haani nde wiɗtooji e jandeeji annduɓe ɓee wallata ardiiɓe leyɗe men, foti ko laamiiɓe maa ko yiilooɓe calɗi golle, ɓe mbaawa gollirde ko heɓaa e ɗiin wiɗtooji.

 

Kawral ngal waɗaa ko nde o arnoo ɗoo e Keer, Ejipte, ombo won’di e jaagorɗo Pinal Senegaal, ɗum wonndoo ko e lewru Korse (juin) 2015.

Waɗdi e makko yeewtere nde ko : Abdou BA, Keer, Ejipte

Rokku miijo (coment)

%d blogueurs aiment cette page :