Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

JEERTINAANGO

Natal: Tabital Pulaaku Orop

Fawaade e mbaadi binnditaagol ɓesngu leydi Seneegal dookngol waɗde ko ɓooyaani, lelnangol e peccooru e ceerundal leñol men e dow haalpulaar’en, fulɓe e lawɓe ; Tabital Pulaagu Farayse, fedde jogiinde e paandaale mum dowrowe woottoɗinde,rentinde e yulyultondirde ɓesngu pulaagu kala, ina salii haa kaaɗtudi semmbe mum nde fulɓe Seneegal peccetee, ƴelee e dow waɗtude kala heen feccere innde leñol ngol jiidaa e keddiiɗi ɗii.

Sikke alaa e fulɓe ko leñol gootol denndungol ɗemngal gootal e pinal gootal, ndeke noon min njaɓataa fulɓe Senegaal nde peccittee e leƴƴi ceertuɗi gaa pinal e ɗemngal gootal ngal ndenndi no leƴƴi leydi ndii kaddiiɗi ɗii fof nii.
Wullaango amen ngoo ina toɗɗii pulaagu kala e kuuɓal e fulɓe Senegaal e ko heertii haa teeŋti noon e wonɓe heen e cate Tabital Pulaagu Farayse (TPF) haa e heddiiɓe ɓe tonngaaki heen wonɓe ɗoo e Farayse ; nde ndarotoo, njokkondira e ɓesnguuji, banndiraaɓe, sehilaaɓe e kala anndondiraaɓe jogorɓe winnditaade e famminde ɗum’en ko innde wootere nootortoɗen e binnditaagol ngol : ko Pullo e teelal, ko’en Fulɓe e keewal !
E nder ndiiɗoo mbaadi eɗen kirjina kala pulaagu nde darotoo, sirŋinoo, rewa e kala laabi jamyami e jokkondire baawɗe waɗeede haa binndital ngal waawa waɗireede no njiɗirɗen nii.
Yoo wuur Pulaagu e ngootaangu mum !

Hooreejo TPF
Mammadu Saydu WOON

En s’appuyant sur le recensement de populations qui doit débuter bientôt au Sénégal dont les modalités subdivisent notre communauté en plusieurs et différentes ethnies, à savoir haalpulaar’en, fulɓe et lawɓe ; Tabital Pulaagu France dont l’unité et la cohésion des Fulɓe est l’un de ses objectifs principaux, refuse avec toute son énergie toute tentative de subdivision de Fulɓe du Sénégal en plusieurs ethnies différentes.
Il ne fait pas de doute que les fulɓe qui ont en commun une seule langue et une seule culture constituent une et une seule ethnie indivisible, à l’instar des autres communautés sénégalaises.
Notre vigoureuse protestation fait appel à tous les fulɓe en général et ceux du Sénégal en particulier et surtout ceux qui sont adhérents à Tabital Pulaagu France à travers toutes nos cellules et au-delà de nos militants de se dresser comme un seul homme en informant toutes nos familles, parents, amis et toutes nos connaissances concernés par ce recensement de ne répondre qu’à l’appellation de Pullo au singulier et de Fulɓe au pluriel.
Á cet effet, nous lançons un appel solonnel à tous les fulɓe d’utiliser toutes les voies et moyens légitimes et paficiques en pesant sur tout leurs poids dans leurs relations pour atteindre nos objectifs.
Vive le pulaagu et son unité !

Président de Tabital Pulaagu France
WONE Mamadou Saïdou

Rokku miijo (coment)

%d blogueurs aiment cette page :