Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Hikka kadi weetii, sabu Jom-bente naatirii 1435 Fergu

Musiɗɓe Julɓe tedduɓe,
Gila e Tenen aroore haa e talaata on, haray en naatii e hitaande hesere Fergu Nulaaɗo On Muhammadu (Yo O his), iwgol maɓɓe Makkah seenoo Madiinah. Ɗum heɓay hikka duuɓi 1435. Ko ɗon woni ko julɓe ɓen ɓaarorta e lebbi hitaande ɗin.

Hitaande kala non ɓaawo hajju ngun gaynude (timmude), julɓe ɓen e winndere nden fow habbitoto timmoode hitaande nden; ɓe habbitoo lewru aranuru ndun ka diina lislaamu, lewru anndiraandu ndun Muharram, hindu noddiree Jom-Bente e fuuta Jaloore.

Jom-Bente walla Muharram ko lerwu aranuru ndun ka diina Lislaam, hindu anndiree welo-welo, hindu anndiree naatugol hitaande hesre ka julɓe ɓen.

Tabitii ko goonga, wonde juldeeje ɗen ko ɗiɗi haa tati julɓe ɓen yaananaa mawningol, ko ɗen woni juldeere yoŋtere kala e ñalaande juma nden, hikka ɗon juldeere suumayee (koorka) nden, refti non juldeere doŋkin nden. Ko ɗe’e tati woni ko julɓe ɓen mawninta e juldeeje, ko hinaa ɗe’e tawaaka e yamirooje diina kan.

Ɗum e ɗum mun, haɗaali yimɓe ɓen ɓaawo ɗo’o heɓɓitorii mawningol Jom-Bente on noone go’o, ngam anndintinnde fayɓe ɓen naatugol hitaande hesere, ko ɗum waɗi si tawii ko kamɓe fayɓe ɓen tan mawninta oo fiiyaake, haa no ɓe (fayɓe) waɗti noddirde ɗum non julde Jom-Beŋte, sabu hertinaneede maɓɓe ndee ñalaande wootere suɓaande e nder hitaande nden. Ɓe mawnina fii mayre, ɓe hebilorana-nde ñalorma, ɓe mawninirande jemma.

Ko nden ñannde cobbal liibata, njuurii yaltinee, gorooje ɗen yaltinee okkitiree, noone e nafaqaaji defee maree, mura bunga on soodee… Ɗii ɗoo fow mare maŋkee haa jemma on leera.

Si jemma on leerii, fayɓe ɓen yalta, jiwoy koy waɗa mojobere, goroy koy kadi wano non. Ko nden ñannde yi’ataa finaa-tawaa e juuɗe fayɓe fulɓe. Hiɓe yima hiɓe kella, hiɓe fillitoo gimi maɓɓe lolluɗi, ɓe jaaɓondira: Soro Yamma, hara ɗum no iwtira dow gaa, hakkee ko foti fotondiri.

Tuma kala nde mi annditi oo jemma Soro Yamma, k mi yelotoo woo ko woŋtugol cukalel pulel, mi cippora fuuta, mi tawee on welo-welo.

Iskin Soro Yamma, Yette Jallo en yo yaltin jawle ɗen dey, si wonaa ɗum fayɓe ɓen yimay e maɓɓe gimol sori yamba ngol! Hiɗon maanditii ngon? Ko ngol woni:

Soro Yam maayoo
Soro Yamma
Pullo mo okkataa
Soro Yamma
Yo yaadu e lewru ndun
Soro Yamma

 

Ko gimol sori yamba ngol nii Jalr-Jalloh en. Maree habbito-ɗon, fayɓe ɓen hewtii ka mon jemma on.

Alla tawnii en ndee hitaande 1435 Fergu, yo O tawnu en ko feewi haa yeeso, wondude e cellal, e aafiya, e ɓuttu ɓernde. O waɗana en yaajeende, o dannde en ɓiɗteende. Aamiin.

Kuɗol: Tafsir BALDE

Mo Misiide Network

www.misiide.net

Rokku miijo (coment)

%d blogueurs aiment cette page :