Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Hadiise: Fillayee wi’annooɗo weldiiɗo mun on: Mi woondirii Alla a yaafantaake!

imagesEggaama e Abaa Hurayrata yo Alla wele mo o wi’i: Mi nanii nulaaɗo Alla on mo jam e kisiyee woni e mun on no maaka: “Yimɓe ɗiɗo e banii israa’iila laatino welduɓe, gooto on ko bakkondinaynoo ɗo, oya on ko tiiɗninoo ɗo e dewe. On tiɗninoo ɗo non seerataano himo yi’a oya on e bakkaatu, o wi’ana mo: Ɗuytito, ñannde goo o tawi on e bakkaatu o wi’ani mo: Ɗuytito; on naɓti jaabii: Tertodo lam e joomi am kaa a nela e am fii aynugol lam? O jaabii: Mi woondirii Alla a yaafantaake, walla Alla naadataa ma Aljanna, ɓe ƴettitaa (maayi)

ɓe fottoyi ka jeyɗo winndere nden on (Alla), o wi’ani on tiɗnii ɗo: E hari hiɗa anndi lam? Kaa a laatino haɗtanɗo e ko woni kon juuɗe am? O wi’ani bakkondin ɗo on: Yahu naatiraa yurmeende am nden ka Aljanna, o wi’ana oya: Fewniree mo ka yiite).

Hino nafitoree e oo haadiise:
• Wonnde sellataa ñaawirgol goɗɗo ka Aduna ɗoo naatude yiite walla aljanna; ɗum ko Alla woodanii.
• Goɗɗo ko huli Alla woo, o tiɗnii e dewal; wota o fellitir ɗum jaɓeede makko ka Alla, ko woni tun himo jartoo yurmeende Alla nden.
• Oo gorko bakkondinɗo mo Alla yaafii o naadi Aljanna; ko taw hara o tuubunon ado mayde makko walla o maayiri ko aldaa e sirkangol Alla, sabu ɗum ɗon kan wanaa ko Alla yaaforta goɗɗo; jooma daali: (Anndee Alla yaafotaako nde o sirkidetee, himo yaafanoo ko hinaa ɗum wonannde on mo o faalaa). Nisaa’i: 116.

Shaykhul islaam ibnu taymiyya ɓanginii sabuuji ko firtata lette e on bakkondin ɗo; o holli wonde ko ɗi sappo pet:
1. Ko tuubugol
2. Insinagol (wiide Astaghfirullah)
3. Moƴƴereeji montooji ɗin (boneeji), Alla daali: (Moƴƴereeji ɗin hino monta boneeji ɗin) Huudi: 114.
4. Du’aa gomɗinɗo fii gomɗinɗo, on mo jam e kisiyee woni e mun on maaki: “Alaa on gorko julɗo mo juulata furee mun yimɓe cappanɗe nayo, tawa ɓen laataaki sirkooɓe Alla hay e huunde si wanaa Alla tefiranay ɓe mo”.
5. Kala ko mayɗo on gollanaa e goole moƴƴe, wano sadaka e ko nanndi
6. Tefoore Annabiijo on yo Alla juulu e makko o hisna mo e ko hinaa mo fii bakkondimɓe ɓen ñannde darngal, wano maaku ɓe: “Tefoore am nden hino woodani ɓen fawtiiɓe manuɗi ɗin e mofte am ɗen”.
7. Masiibooji ɗi Alla haforanta ɗin bakkaatu ka Aduna…
8. Kon ko heɓotoo ka qabru immorde e fitna, …, sabu ɗin ko montayɗi bakkaatu.
9. Al-haaliiji ñannde darngal e satteendeeji mun
10. Ɓurɗo himmude e ɓurɗo mawnude on: Yaafuyee ɓurɗo yurmeende on (Alla), ko aldaa woo e tefoore, wano on mo senayee woodani daaliri non: (Himo yaafanoo ko hinaa ɗum on mo o faalaa): Nisaa’i: 48.

Timmii.
Ko e yettude Alla ɗii ɓinɗi ɓangiri
Kuɗol: Muhammadu Tafsiir SALAMBANDE

Rokku miijo (coment)

%d blogueurs aiment cette page :