Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Gine: Gannde kese ɗen, ko kutu ɓamtirɗo ɗemɗe ngenndiije ɗen

Janngooɓe Misiide tedduɓe,
Ko teddungal he mon, hikka kadi men waɗiduno e lowre Global Voices nden kawral ngam humpitugol-ɓe battane golle men ɗen ka lowre Ginenaare wi’eteende GuineeVote.Com. Ɗum non, hiɗon gelii wonde ka woote hooreejo leydi yawtuɗe ñannde 11 Oktoombur 2015 leydi Gine, kawtital bloogooɓe sowftuɓe ɓen ka internet fampino ndee eɓɓoore #GuineeVote ngam ɗowtitugol woote ɗen, humpita jamaa on ko yowitii e majje, eɓɓindira kadi fodooje kanndidaa’en, e ko nanndi.
Tippude e ɗum, Global Voices waɗuno en lamndo fii yewtugol ɓe no Fulfulde e Mandinkoore nden huutoraa / golliraa e nden eɓɓoore.
E hino ɗoo ñoggannde kawral nagl :

Hunorde: E nder dunngal afrik ngal, 2015 e 2016 lollirno woote. E nder ɗii duuɓi ɗiɗi, heɓike haa fewndo hannde woote 14.
Fii non hoynangol jamaaji ɗin no tottira hakkeeji maɓɓe woote ɗin, internet en (internautes) wallitorno golle kelɗuɗe. wano lagine, ka tawata 65 % e yimɓe ɓen ko humanbinne, Kawtital Bloogooɓe Gine ɓen (ABLOGUI) fampino oorngal (campagne) humpitugol haɓa kala noone e leƴƴi-leƴƴi fii ɗaɓɓirɗum laamu, ngam danndugol hare hakkunde jamaaji ɗin ; ɗum ko e ballal OSIWA (Open Society Initiative for West Africa).

Global Voices lamndino M. Tafsir Balde, halfinaaɗo goomu Ɓamtugol Ɗemɗe NGenndiije ɗen ka Kawtital Bloogooɓe Gine, fii okkugol miijo makko e ndee eɓɓoore.

Kawtital Bloogooɓe Gine ɓen (ABLOGUI) fampino oorngal (campagne) humpitugol haɓa kala noone e leƴƴi-leƴƴi fii ɗaɓɓirɗum laamu, ngam danndugol hare hakkunde jamaaji ɗin ; ɗum ko e ballal OSIWA (Open Society Initiative for West Africa).

Global Voices GV: M. Tafsir Balde, on waaway persantaade kesum e janngooɓe amen ɓen?
Tafsir Balde TB: Ko Tafsir Balde mi wi’etee, wiɗtotooɗo e ɗemɗe e pine afrik, bloogoowo e #Pular ka lowre www.misiide.net, feddeejo sinciduɗo ABLOGUI, halfinaaɗo goomu Ɓamtugol Ɗemɗe NGenndiije ɗen ka Kawtital Bloogooɓe Gine.

GV: Ko woni oo hashtag #GuineeVote? E ko ɗum humondiri e ɗemɗe ngenndiije ɗen: #Pular e #Nko?
TB: #GuineeVote ko lowre web ɗowtitirnde woote ɗen Gine. Eɓɓoore ɓii-leydi nde Kawtital Bloogooɓe Gine ɓen. E nder ndee lowre, damal fii ɗemɗe ngenndiije ɗen sincano ngam firde ko hitti kon e kumpite woote ɗen ka #Pular e ka #Maninka.

Gila ngal kawtital amen sosaa / sincaa, faandaare amen mawnde nden ko ƴellitagol no dawriyanke en gerdata non fii politiki. No ɗum newora aldaaa e jingangol, men tawno ko maa tun dadital politik ngal fewnitiree (reformer) ngam duñugol dawriyanke en no yewtira fii eɓɓooje maɓɓe ɗen ko aldaa e jillugol leƴƴi-leƴƴi e mun. Men tafani ɗum yuɓɓo (système) eɓɓindirngo poroguraamuuji maɓɓe ɗin, men waɗani ɗum duncal no yimɓe ɓe nanataa faransi ɓen humpitora faama.

#GuineeVote ko lowre web ɗowtitirnde woote ɗen Gine. Eɓɓoore ɓii-leydi nde Kawtital Bloogooɓe Gine ɓen. E nder ndee lowre, damal fii ɗemɗe ngenndiije ɗen sincano ngam firde ko hitti kon e kumpite woote ɗen ka #Pular e ka #Maninka.

Ko nii woni ko men suɓori firde yoga e winndannɗe yowaaɗe ka lowre
www.guineevote.com e ɗemɗe ngeendiije ɗen Pular e Maninka ; ngam sifagol fii sarɗi wootirɗi ɗin (code électoral), nafa wootugol, golleeji laamiiɗo, eɓɓindira poroguraamuuji kanndiidaaɓe ɓen, ekn.

Gooto waɗanno men yowre (coment) o wi’i: “A weltaanama seydi Balde! Golle maa ɗen no labaa fota”.

GV: Ko honɗum wonunoo battane ɗum?
TB: Battane amen ɗen aynitano. Wano janngooɓe amen ɓen waawuno humpitorde fiyakuuji woote ɗin e jurol firooji amen ɗin. Gooto waɗanno men yowre (coment) o wi’i: “A weltaanama seydi Balde! Golle maa ɗen no labaa fota”. Awa kadi men ɗuɗɗinirno ndee eɓɓoore ɗoo geɓal ɗemɗe men ɗen ka internet.

ko hinaa ko men waɗi kon, mi humpitaaki fii eɓɓoore woo sugu ndee ɗoo ka kawte men! …

GV: Hiɗa humpitii fii eɓɓooje sugu ɗee ɗoo ɗe bloogooɓe Afrik hiirnaange immori?
TB: ko yowitii e sugu ɗee eɓɓooje, ko hinaa ko men waɗi kon, mi humpitaaki fii eɓɓoore woo sugu ndee ɗoo ka kawte men! …

Maandi-nen tun wonde fii tawtirgol ka demokaraasii no huuɓiri, Bukina Faso firno sarɗi mun woote ɗin e ɗemɗe maɓɓe tati ngenndiije.
Senegal kadi, gila 2014, ɓe newnuno wallitorgol ɗemɗe negnndiije ɗen ka suudu batirdu.
Ko sugu ɗee mise ɗoo duwaa jokkeede ngam newnangol jamaaji ɗin no hittinira holla miijooji mun.

Miɗo tamƴinii raɓɓindinorgol kuuɗe ɓii-leydi (actions citoyennes) ɗen ɗemngal faransi ngal nafataa fota ! Sabu limooje ɗen hollii wonde 65 % nder jamaa on faamataa ko laamu ngun wowlata kon.

GV: E miijo maa, ko honɗum woni ko fallata ɗemɗe ngenndiije ɗen wallitorgol gannde kese ɗen ka woote e nder afrik hiirnaageeri ndin?
TB : ko maa taho annden wonde gannde kese ɗen hino wallitoo fota fii ɓamtugol ɗemɗe men ɗen. Ko ɗuuɗi gollaama e ɗen bange ko yowitii e Pular maa Nkoo. Miɗo tamƴinii raɓɓindinorgol kuuɗe ɓii-leydi (actions citoyennes) ɗen ɗemngal faransi ngal nafataa fota ! Sabu limooje ɗen hollii wonde 65 % nder jamaa on faamataa ko laamu ngun wowlata kon. Ɗum holli ko maa ɗum waɗtee e feere nde menen blogooɓe ɓen men huutorta ka humpitugol; fii wata ɓen so’u wikkoreede ko ɓe faamataa faransi kon.
Wanaa e haasagol faransi on men woni, ko tawde hino waɗɗii men humpitirgol ɗii jamaaji ka ɗemɗe maɓɓe neeniije.

GV: ko honno yiiru-ɗon huutorgol ɗemɗe ngenndiije ɗen ko saatii ka nder laylatooji renndo (réseaux sociaux)?
TB: Jannde nde Gilles Maurice mo Schryver e Anneleen Van der Veken yaltini ɓanginno wonde ɗemɗe afrik ɗen hino tabitiri ka jowlol internet ko wonaa janngirɗum tun.

Ɗemɗe Afrik ɗen hino tabitiri ka internet nooneeji ɗiɗi sertuɗi. Arano on hino sifori hastag ji yowondirɗi e kumpite leydi ɗen walla joopotooɗi geɓe ɗemɗiyankooje diiwaanuuji. Ɗum ko wano #lwili (ka ɗemngal mooree, gootal e ɗemɗe Burkina Faso), ko hino joopoo hudere leydi maɓɓe, nde no wi’ee Iwili-peendee ; hiɓe haddotonoo fewndo kolonaaku (colonialisme). Oo hashtag hino maandina kala al’alaama colum Twitter kun.

Ko wano non kadi ka pinal ivuwaarnaaɓe ɓen fii laylatol renndo, helmere «#Kpakpatoya» nden (ka ɗemngal nuushii) hino holla saakitangol kumpite leydi e winndere ɗen wonande kala jokkuɓe jowlol Twitter ngol. Menen bloogooɓe Gine ɓen, miɗen ɗaɓɓude hastag nannduɗo e sugu ɗii ɗoo lolluɗi ka kawte.

Noone ɗimmo on hino sifori naadirgol ɗemɗe afrik ɗen ka laylatooji renndo fii huutorgol. Ko seeɗa seeɗa woni ko joomiraaɓe laylatooji renndo ɗin okkirde ɗemɗe arfik ɗen nokkuure ka dunce maɓɓe.

Ɓaawo tamazight on hitaande 2013, facebook naaduno ɗemɗe (10) afriknaaje ka laylatol mun renndo ko neeɓaali ko’o.

GV: Ko wano joomiraaɓe laylatooji renndo homɓe yewtoton fii mun? Hiɗon waawi misude e ko ɓe waɗi kon?
TB: Wikipedia e piide misal, hino jogitii loowdi (contenus) e ɗemɗe afrik buy, wano Pular e Bambara; ɗemngal ɓadiingal Maninka. Ko ndin aawdi ɗon woni ko yaltini Afripedia e ballal Institut français wondude e Agence universitaire de la Francophonie gila Yuunuhu (Juin) 2012.

E nder ginol golle (agenda) amen ɗen 2016, miɗen eɓɓi yuɓɓugol bensondiral (conference) fii nokkuure ɗemɗe ngenndiije ɗen ka gannde kese.

Tafsir Balde, ka sentere firooɓe facebook ɓen ka Fulfulde

Ɓaawo tamazight on hitaande 2013, facebook naaduno ɗemɗe (10) afriknaaje ka laylatol mun renndo ko neeɓaali ko’o. Min e hoore am, mi naatuno ka sentere firooɓe facebook ɓen ka Pular. Tippude e kippuɓe aynugol golle amen ɗen ka firo hiɓe wi’ee “Facebook Translations Team”, men firii laylatol renndo ngol ko yahata 85%.
En maandinay kadi wonde gila 2014, sukaaɓe arfiknaaɓe hino immanii tafugol laylatooji renndo heeraniiɗi afik. Ɗum ko wano « #Ilemba » (maande ka gaboneere) jooɗiiɗo liberewiil.
Ɗum ɗoo fow wallitoray yaltugol ɗemɗe afriknaaje ɗen ka nder laylatooji renndo.

GV: Ko honɗum eɓɓu-ɗon ɓaawo kutu woote ɗen fii no ginenaaɓe ɓen ka internet ɓamtira huutorgol ɗemɗe ngenndiije ɗen ?
TB: E nder ginol golle (agenda) amen ɗen 2016, miɗen eɓɓi yuɓɓugol bensondiral (conference) fii nokkuure ɗemɗe ngenndiije ɗen ka gannde kese. Faandaare nden ko mawningol huutorgol ɗemɗe ngenndiije ɗen e ɗen gannde kese. E nder ngal bensondiral, men humpitay fewndaare heɓɓitaare gannde kese ɗen ka ɗemɗe ngenndiije fii no men softinira jamaa on e laamu ngun wallitorgol ɗee kuutorɗe web no haɓira majjere ka nder leydi.

GV: Konngol mon sakkitorol?
TB: Miɗo nodditira blogooɓe ɗimmooɓe am, jogitorgol ɗemɗe arik ɗen ka kurtu-kurtu maɓɓe bloogugol. Tawa ɗum ko fii hadafu gooto, ɓamtugol saakitira ɗemɗe arik ɗen kuutorɗe web 2.0 ɗen.

Lamde : Abdoulaye Bah, fii Global Voices
Firo Tafsir Balde, mo © Misiide

Rokku miijo (coment)

%d blogueurs aiment cette page :