Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Jannde : Geɓal ɗemɗe Afrik ɗen « Inalco », lesdi Faransi

« Inalco », ko ñoggande Institut National des Langues et Civilisations Orientales, ɗum woni ɗuɗal jannginir-ngal ɗemɗe e pine fuɗnaageeje. Ɗen ɗemɗe hino nodditiree kadi Langues O’ e maanaa: Ɗemɗe fuɗnaage.
Ngal duɗal non ko Lesdi Faransi woni, ka saare mawnde Pari. Ngal sincaa ko ñannde 30 maarasi 1795. E hitaande 1997, hari ko yahata 9 188 almuuɓe hino winndi e maggal.

« Inalco », ko duɗal nanntungal innde e bange janngugol ɗemɗe fuɗnaage, e pine mun. Porto keesi en buy, ko ɗon duɗotoo annda faama fii ɗemɗe e pine fuɗnaage si immenee e ɗen lesɗe innde laamu Faransi ngun. Wano Deflafose en e nanndo maɓɓe fof ko ɗon duɗii yalti si huccitiri Afrik wiɗagol ɗaɓɓita finaa-tawaaji.

Inalco non, hino janngina ɗemɗe Afrik ɗuuɗuɗe, ɗum non ko wano berbeer, malgaash, bambara, wolof, pulaar (fulfulde), hawsa, yoruba, swaahili en ko nanndi.

Kono wiƴƴito (recherche) ngon hollii wonde ko ɗemɗe Afriknaaje tati ɓuraa wowleede lesdi Faransi ndin, ɗen woni: Berbeer (telen 1,5 milliyon haalooɓe), wolof e pulaar (ko ɓuri 50 000 haalooɓe).

Ko ɓuri ɗuuɗude kon e jannganaakuɓe ɓen « Inalco » hino mari eɓɓooje fewtuɗe Afrik

Ɓiɓɓe Afrik ɗuuɗuɓe hino winndoo winnditoo e duɗal ngal, adadu maɓɓe on hino sowondira tun, hiɓe jannga heen ɗemɗe sertuɗe; kala e ɗemngal mun wallal le yiɗi mun nder ɗemɗe Afrik ɗen. Hakkunde 2010-2011, adadu maɓɓe on hewtuno 185 almuuɓe, ɓe yoni 239 almuuɓe hakkunde 2013-2014.

E konngol Diretteeri on ka ɗemɗe Afrik, hino wi’ee Jean de Dieu Karangwa, ɗuuɗugol adadu ɓiɓɓe Afrik ɓen ka duɗal ton hino firora piiji ndan: « Ko ɓuri ɗuuɗude kon e jannganaakuɓe ɓen hino mari eɓɓooje fewtuɗe Afrik », tawti ɗon kadi « ɓurɓe ɓen hino hatonjini e ɗemɗe Afrik ɗen » ka ligge gollodal maɓɓe. Ko wano non « ɓee jannganayɓe golle dipolomaasi » hino hatonjina e ɗemɗe Arik ɗen. « Woɓɓe e maɓɓe kadi hino gollidude e ɓiɓɓe Afrik ».

Ɓee jannganayɓe golle dipolomaasi » hino hatonjina e ɗemɗe Arik ɗen

En anndininay tun wonde duɗal ngal yaltinaanii en nenndi ɗuuɗunde gila ngal sincaa to lesdi Faransi, wano Alla hilno Alfaa Ibrahiima Soh en, e nanndo maɓɓe. Defte maɓɓe bus ko e ngal duɗal woni ko gollaa yaltiniaa. Ko wano non kadi Alla hilno Moodi Umar Bah hino jogitii ton winndanɗe ɗuuɗude nafooje wiƴƴitotooɗo e pine fulɓe.

Fewndo hannde, yimɓe men hino winndii « Inalco » fota fota, hiɓe jannga wiƴƴitoo, liggoo yaltina pine men, dannda ɗe e yeebaare.

Duɗal ngal ko e oo adareesi ɗoo woni ko yiitirtee:
2 Rue de Lille, 75007 Paris, France
Talifon : +33 1 81 70 10 22
Lowre nden ko : www.inalco.fr/

 

Tafsir BALDE

Mo Misiide Network

www.misiide.net

 

 

Rokku miijo (coment)

%d blogueurs aiment cette page :