Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Fulfulde haa leydi Israa’il

 «Fulfulde Israel», ko innde kawtital ɓiɓɓe fulɓe jooɗiiɓe israa’il woni ko men humpitatata on ɗoo fii mun yo jangooɓe tedduɓe. Ko ka facebook woni ko men adii yi’ude batte maɓɓe e ngoo hello ngo ɓe sincani hoore maɓɓe on.fb.me/1i5abcQ ka ɓe fotta ɓe waɗira jokkre enɗam e humpondiral hakkundeeji maɓɓe.
 

Israa’il, leydi ndi gooto majjaka ndin, ka saɗti naatude ɗon, ka metti wuurude ɗon, leydi ɓe kufunoy ɓen, ka ɓale-ɓale raɗeetee ɗon soondo kala… ko ɗon woni ko sukaaɓe fulɓe sinci ngal kawtital wi’eteengal «Fulfulde Israel ».
 

Misiide Ɓamtaare etino humpondiri e gooto e feddeeɓe ngal kawtital himo wi’ee Atiiɠu Jallo, gooto e wallondirɓe Misiide Ɓamtaare to lesdi Israa’il.
Ka tiŋtodal amen, Moodibo on yewtuno men wonde faandaare ɓurnde mawnde wonannde ngal kawtital “ko fii jokkere enɗam, e wallitagol sukaaɓe fulɓe ɓe fiyaaku mun jilɓi ɓen leydi Israa’il”, ko wano non kadi “wallitagol ɓiɓɓe leñol ngol ka leydi e caɗeele maɓɓe sertuɗe ɗen”.
 

Mo nanii non innde « Fulfulde Isra’el », ko o adotoo miijaade ko fii ɗemngal ngal, wano jangeede e janneede maggal Israa’iil ton. Ko ngal lamndal ɗon woni ko men adii fewtinde Moodibo on o jaabii : «Men heɓii ɗoo janguɓe yalti ka duɗe mawɗe keer/Misra, ɓen fodii men jannugol men Fulfulde nden, ɗum kadi waɗaama ka eɓɓooje amen hikka”.
 

« Fulfulde Isra’el » ko kawtital sincaangal gila duuɓi sappo e jowi fawɗi, yeru kumpital amen ngal, ko hikka woni ko janngugol ɗemngal pulaar ngal eɓɓanaa fii mun e ballal janguɓe Mira.
Ka timmoode, ma men humpitu on fii yiilirde nden e ko ɓeydii e kumpital fii kawtital ngal so Alla jaɓii.

Muhamma’Tafsiir SALAMBANDE
E jurol: Atiigu Jallo

www.misiide.net

 

 

Rokku miijo (coment)

%d blogueurs aiment cette page :