Enen kadi en mawninay ɗemngal Arabu ngal?

Sakiraaɓe tedduɓe, Ñalnde 18 Deesaambur / Bowte 2017– wano woowiri non e hitaande kala- winndere nden fof mawninno ñalngu ɗemngal aarabu ngal e yamaruyee Unesco, suɓiiɓe nden feere mawningol ɗemngal aarabu ngal Jokkito »

Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

 

Maayde : Aliw Bari kondoma ka « Lewru Jeere » faatike Gine!

Banndiraaɓe tedduɓe, ko e dow sunaare tiiɗunde woni ke men yettinirta e mon ndee faatunde Moodi Aliw Bari Kondoma, gooto e koode pinal fulɓe Gine laatinoo, jeyaaɗo e feddeeɓe turuppu « Lewru Jeere » nden ka filmuuji pulaar.

Ndee faatunde ka waɗi, ko ñalnde 26 Suwiyee 2014 ka saare mawnde konaakiri, ko wnoni saɓu makko ko nawnaare juutunde.

Moodi Aliw Kondoma neeɓii yuɓɓude filmuuji pulaar ka turuppu « Lewru Jeere », o yanganii pinal fulɓe duuɓi heewuɗi, ko o sakkitori liggaade ko ka « Taali e tinndi  e haala Pulaar », nokku ka ALLA hilno Moodi Aamas’ Soh liggotonoo ado faataade kañum kadi.

Moodi Aliw Kondoma ka Lewru Jeere Gine 2

E innde Misiide Network, miɗen du’anoo oo musiɗɗo men, toroo yo ALLA hilno mo O yaafoo, O yaafo mo e yaafaaɓe.

Siɗɓe e yiɗɓe toraama yarlagol.

Tafsir BALDE

Mo Misiide Network

www.misiide.net

 

Rokku miijo (coment)

%d blogueurs aiment cette page :