Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Faabee Pita, cuuɗi buy sumii heen

Saare Pita nden ko ka hakkundeeri Fuuta Jaloo jooɗii (lesdi Gine), saare lollirnde remuru, e ngeygu e ko nanndi. Ko ɗon woni ko kasaara mawɗo jippii e yimɓe mun gila lebbi yawtuɗi, ɗum woni sumuru. Yiite tiiɗunge hino iwra ka gooto anndaa, yana sunna cuuɗi e neemoraaɗi, teŋtinii e ca’e Maasi e Tanngan.

Mammadu Alfaa BALDE, gooto e hoɗuɓe e ɗen ca’e hollii wonde « a sikkay yiite ngen ko ka asama woni e iwrude sunna cuuɗi« , e nder hen o ɓeyditi « cuuɗi sappooji e ko fawi yehii e battane ngen yiite ka ca’e Maasi e Tanngan« . 

Gila oo masiibo fuɗɗii leydi fuuta e nder Saare Pita nden, koɗeeli heewuɗi sumii, yimɓe dogii faɓtike kawte, ɓe fewtiti laamu Gine ngun toraare ballal.

Ko tippude e ɗum sortiisan-ɓe Pita ɓen Beljik woni ko noddi faabagol yimɓe Maasi e Tannga, jonnondiral juuɗe immanaa ngam wallitagol yimɓe lorriiɓe.

Haa fewndo ka men humpitata on ɗoo, kasaaraaji ɗin ko e piiji ɗin tan haɗti, gooto gaañaaki (barmaali), ko wano non gooto hewtaaka.

Huunde e ko laaɓi heɓaaki taho ko yowondiri e sabu huɓɓugol ngee yiite, wanaa non sakko iwdi magge anndee, mo kala yewtiray woni yeru mun. Ko laaɓi kon fof wonde yiite ngen hino tiiɗi yawti e ko woowaa kon, kadi wonaa yiite buruure sugu ko arata kon e ceeɗu. 

Yo Alla addu jam.

Misiide Network

Rokku miijo (coment)

%d blogueurs aiment cette page :