Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

E ko ɗemngal men ŋakkiri ka gannde kese?

Fii kala non en firiino ko ɗuuɗi e ɗemngal Fulfulde, haɗataa hollen ko ɗemngal ngal lelliri /ŋakkiri kon ka gannde kese! Sabu si en haalii goongo, en wi’ay golle no heddii taho haa Pulaar gayna naatirde e gannde kese ɗen no haaniri!

Fenwdo hannde, Pulaar hino haani taweede e dunce ɗuuɗuɗe ngam ɗemngal ngal woowee ka gannde kese, wano:

  • Dunce Microsoft ɗe anndanɗaa hoore-maa hay gootel e majje firaaka taho e Fulfulde (e kumpital amen)! Wanaa yuɓɓo (Système) maɓɓe ngon windows, wanaa Kadi Office maɓɓe on, wanaa hay Talifonji maɓɓe ɗin Windows Phone; ɗi tawata hino woodi e Nkoo ekn.
  • Ko wano non kadi dunce Google ɗen hino haanaa fireede e Pulaar! Gila e Gmail (mo anndanɗaa hoore-ma hino firaa e Swaahil, Afrikaans ekn), haa Google Chrome, e Google Translation, e Google In your language, e ko nanndi e mun. Ɗii ɗoo fow heɓa geɓal e Pulaar. Sabu si a nanii enternet fewndo haande, ko Google en.
  • Habbinde hello Wikipedia ngon e Fulfulde: Fii no hewtitora Afrikaans, Wolof; jeyaaɗe e ɗemɗe Afriknaaje ɓurɗe jogaade loowdi ka Wikipedia!

Hiɗen waawi waɗde wa ko ɓe Akademii Nkoo ɓen kon; joɗɗina gaynooɓe fii mun, hara golle maɓɓe woo firguol loowdi Wikipedia ndin e Fulfulde, hara wanaa yo golle ɗen accitane yarlitiiiɓe ɓen tun!

  • Etagol no Fulfulde firiree e lowe ɓurɗe mawɗe ɗen: Wano Facebook (firaaɗo e Amazigh, Afrikaans, ekn), maa Global Voices e nanndo maɓɓe. Etoo ɗemngal ngal heɓa geɓal e kala lowre lollude.
  • Ɗuɗɗinde lowe Fulfulde ɗen no loowdi ɗemngal ngal ɗuuɗira ka enternet: Fewndo hannde, lowe Pulaar ɗen ɓuraa sappo! Si en eɓɓinrii ɗum e ɗeya ɗemɗe Afrik heddiiɗe!
  • Ɓeydugol winndude Pulaar ka lowe Radiyooji Pulaar: Hannde hannde, radiyooji Pulaar ɗin limotaako e nder winndere nden, kono fanɗii e majji winndanɗi Pulaar ka lowre mun! Ɗum naɓiray ɗemngal ɓaawo.

E miijo am, si ɗemngal men ngal heɓii geɓal e ɗee dunce jantaaɗe ɗoo, ma en heɓu doole, naaten e gannde fewndiiɗe ɗen, fayɓe arooɓe ɓen heɓa ka jokkitoo golle ɓamtal hara ko e haala maɓɓe. Ko ɗum woni ɓural!

One Response to E ko ɗemngal men ŋakkiri ka gannde kese?

  1. Aboubacry Ba dit :

    So en teskiima e dumunno 6ennuzo won miijo ngo koninke leñol gooto ina wiye Ibrahima Malal Saar weddino tiindaade e ngenndiyankoo6e leñol ngol ngam 6e mbaawa rentude e gollanaade leñol ko nafata ngaal pillital ngal anndu6e way6e I M S njogii ko ngaal pellital ndonkirzen alzu6e men,kono zuum woto addan anndu6e yokbude walla yolbinde dadungal,

Rokku miijo (coment)

%d blogueurs aiment cette page :