Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Deŋtal sukaaɓe Fulɓe janngooɓe he duɗal haaɗtirde jaŋde Seek Anta Joop Dakar

Banndiraaɓe tedduɓe, ñannde 5/9/2013 sukaaɓe Fulɓe janngooɓe he duɗal haaɗtirde jaŋde Seek Anta Joop Dakar, njuɓɓinii yeewtere mawnde, wonnoo tiitoonde mayre ko : fotde ɗemngal men Pulaar/ Fulfulde he kabrirɗe Senegaal e darned ɗanniyankooɓe he majje. Halfinanoo ndee yeewtere ko jaayndiyaŋke men mbi’eteeɗo : Hemmee Aamadu Lih.

 

O haalii no kabrirɗe Senegaal no poti; foti ko kabrirɗe caaktooje jolooji walla kaalirɗe “Rajo” walla jaayɗe binndol walla kabrirɗe mbeelu “TV” e jeewte ɗe Fulɓe njogii he majje, o anndini yimɓe ɓee wonde ɗemngal men ɗawaaka, ngam jeewte mbaɗteeɗe he haalirde rajo Senegaal, ko ɗemngal men ɓuri heewde, ko noon kadi kaalire ɗe ngonaa laamu, kono tan jeewte ɗe tamɗen ɗee ina ŋakki (lelli) njuɓɓudi e lelnale naftooje leñol men, kadi ko ɓuri heen heewde ko jeewte ɗe ngalaa loowdi kirjinoori ɓamtaare leñol men, kono ko he heblude ɓe wonaa.

Musidɓe tedduɓe, sukaaɓe Fulɓe janngooɓe he duɗal haaɗtirde jaŋde Seek Anta Joop Dakar, kirjinii sukaaɓe Fulɓe he ngootaagu ɗemngal men e darnde nde ɓe poti daraade haa ɗemngal men heɓa jojjaaɗi maggal he ndeer Afrik, ɓe kollitii yiɗde maɓɓe he ngootaagu sukaaɓe Fulɓe he ndeer Afrik, kadi ɓe nganndinii tawtoraaɓe ɓee, maa ɓe ndaro haa jaŋde ɗemngal men wona gootum he ndeer janngirɗe Afrik e yultiindirde Sukaaɓe Fulɓe janngooɓe eɓe ngonaa janngooɓe he ndeer Afrik e daraade haa jiɗngol ɗemngal laatoo hakkunde maɓɓe.

Sakiraaɓe tedduɓe, deŋtal sukaaɓe Fulɓe janngooɓe he duɗal haaɗtirde jaŋde Seek Anta Joop Dakar, ina potaa walleede no miijo maɓɓe jaalorii he jaŋngirɗe Afrik, mbele sukaaɓe Fulɓe jaŋngooɓe ina njiitida ɓe nganndoondira, ngam ko kamɓe ngoni jaalal leñol men janngo.

Setodiiɓe ganndal, hannde alaa ko foti wonde sokla ɓiɗɓe leñol men, so wonaa winndude e janngude e jannginde ɗemngal, mbele enen ɓoccitoo (ndaɗa) koomte jaggitooɓe, nehirɓe en ko ɗemɗe maɓɓe potaa winndeede e janngeede, ɓe ngaaɓni he yilaaji men ɗe men mbinndotaako njanngotaako, kono hannde ganndal karallaagal hollii en ɗemɗe fof poti, alaa ngal winndotaako maa ngal janngotaako, ɗuum noon ngaree caaynen miijooji maɓɓe ɗi njahdaani he ganndal, ndewen laawi ɗi ɗemɗe winndere ndewi, caloɗen wonde jaaɓneteeɓe ɗemɗe janane he enɗam puuŋti, mbi’a en ɓesngu kaaloowu ɗemngal Faransee maa Anngelee-wal walla puuŋti pawiiɗi he diine wonde ɗemngal amen ko tellingal ko ngal haala Geno (Alla), tee ina laaɓi alaa ɗemngal ngal Geno tagaani, ɓayri loowdi haala ko he tago Geno jeyaa, ko ɗuum waɗi enen poti daranaade ɗemɗe men njarlitanoɗen ɗe.

Mi yettii ɓee sagataaɓe Fulɓe, yoo Geno hebbin wano maɓɓe, on njaaraama.

Tijjaani Mbaalo.

 

Rokku miijo (coment)

%d blogueurs aiment cette page :