Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

 

Buubakar « Copa » Bari, jaambaaro Ngenndiiji Afrik « CAN » 2015

Ko hikka woni laawol 30 ɓol ko Afrik foolondirta e lato mullere (balon), ko eɓɓanoo yuɓɓeede ka laamateeri Marok, egginiraa Gine Fotondirndi (Guinée Equatorial). Ɓaawo foolontori juutungo hakkunde lesɗe tawaaɗe, ko koddiwaar e Gana woni ko hawroynoo ka timmoode (finale), e Alarbaare nden ñannde 27 Sanwiyee 2015..
Ko non GENO on muuyirnoo yo Koddiwaar heɓtu kopuuru (coupe) CAN 2015 ndun e battane latere warjitorde (penalty) nde hiwoowo-loggi (gardien) on Kopa Bari naadi. Koddiwaar fooli heɓti kopuuru CAN 2015 ndun sabu Kopa Bari.

Ko hombo woni Kopa BARI?

Buubakar Kopa Bari, ko jibinannde Koddiwaar e hitaande 1979 ka wi’etee “Markorii”. Lasli makko ko Saare Dalaba, laral fuuta Jaloo, lesdi Gine Koanaakiri. O tabintinanno iwdi makko fuuta ndin ndee lowre http://www.foot224.net/ e lamndo (interview) maɓɓe, o wi’i: « ko mi Ginenaajo, weltorɗo jeyeede am Gine. Lagine ko lesdi am, nde mi heɓtii woo.. mi hewta mi fowtoo, sabu ɓe wi’ay: wata mo yejjitu ka mun. Ko goonga, jibineede am ko Koddiwaar, kono ɗum haɗataa lam weltorde arugol ka am».

« Je suis guinéen, je suis fier d’être en Guinée. La Guinée c’est mon pays, quand j’ai un bout de temps que ça soit un ou deux jours, je viens me ressourcer parce que comme on le dit, ne jamais oublié d’où l’on vient. C’est vrai que je suis né en Côte d’Ivoire, mais c’est toujours une fierté pour moi de revenir dans mon pays ».

Ko e hitaande 1995 woni ko o naatiri ka Académie MimoSifcom fii mecce hiwugol-loggi e duuɓi 17. Ɗuuɓi nay ɓaawo mun (1999), o siifidi (signer) e l’ASEC Mimosas  gollodal aranal makko ngal ka balon. Gila 2003 himo gardana fedde KSK Beveren nden Beljik..

Ammaa koddiwaar ka o fewndii ɗon nii, ko gila 2000 woni ko o fuɗɗodi e maɓɓe, o tawdaa kopuuji winndere 2006, 2010, 2014 e kopuuru CAN 2015 ndun.

En aanndintinay wonde kopa Bari ko wikkanooɗo ka fedde latirde mullre koddiwaar, o seydintiniri ɗum « annde » yumma makko nden o wi’i (himo fesora/wullora) : « Yumma am hino suninoo fota/masin ko mi alaano fijude kon. Miɗo jaarna-ɓe… weltanoo yimɓe koddiwaar ».

Kopa Bari e Yumma mun

Kopa Bari e Yumma mun

«Ma maman souffrait parce que je ne jouais pas. Merci à elle, merci à tous les Ivoiriens. Le foot m’a permis de voyager, il n’y a pas de place pour tout le monde ; mais il y a la place pour le travail. Dieu m’a récompensé», a-t-il confié, en larmes ».

Kono ngal polgal ngal o addani koddiwaar yejjintinii ko yawti, sabu welo-welo moolanaago ko o (kopa) heɓidi e wondiiɓe makko ñannde jamaanu koddiwaar jaɓɓodunooɓe e lamɗo lesdi ndin Alasaan Wataraa. Girdi-girdiire nden hino iwra heen fow e jaɓɓo jamaanu hesu.

Kopa Bari e wondiibe mun, wondude e Alasaan Wataraa

Kopa Bari e wondiibe mun, wondude e Alasaan Wataraa. Iwdi Natal/ Ka hello (page) makko facebook

Ko wano kadi maadiiji goo koddiwaar natirano (winndiraa) toraare yaafuyee e bangal Kopa Bari « Copa Barry nous te demandons Pardon et nous te disons Merci ». (Kopaa meɗen toro-maa yaafuyee, meɗen jaarna-maakadi ). Facebook hbbiniraa hellooji (pages) e innde makko.

 

En yettii Geno.

Misiide Network

www.misiide.net

 

Rokku miijo (coment)

%d blogueurs aiment cette page :