Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Burkina –  koolol « Pulaaku » ngol hikka 2015, rerɗinii wondingal jamaaji ɗin

Ko ka wi’etee ɗon CENASA woni ko koolol (Festival) tataɓol ngol waɗiraa e lesdi Burkina hakkunde 23 e 24 Maayuhu 2015, e dow tiitoonde « Pinal ngal, ko ko duncitoree ka wondirgol deeƴere hakkunde mofte ɗen » (la culture au service de la coexistence pacifique entre les communautés). 

Ka kongol maɓɓe, Moodi Burayma Bari holluno wonde « ɗuuɗeede mofte ɗen burkina ko ko woowaa », ɓe ɓeyditi ko e nder  « pine e fija-jalaaji ɗin woni ko mo kala anndirta oya », ɓe holli kadi cuɓal « Pulaaku » ngal ko e ɗum jeyaa, « ɓamtugol pinal fulɓe ngal, huuwowndira e heddiiɓe ɓen ».

Ka bensondiral (conference) maɓɓe, ɓe maandini ko yowondiri kon e « Pulaaku », « ɗum ko noone e ngurdam, mokobaaku ngu pullo wondi, ko ɗin piiji pullo woowiraa kala ko o jeyiraa e nder Afrique ». E maaku maɓɓe.

Ɗum e ɗum mun, yuɓɓuɓe ɓen ngol koolol « Pulaaku » e lesidi Burkina hino felliti woodeede lurre ɗen hakkunde jamaaji ɗin, ko ɗum waɗi si ɓe yananaa wonde lurre ɗen hino gasa ka moƴƴintinree e bannge pine ɗen, wano resindirangol ngol; jombindirana, maa foolotiro e coftal ɓalli, maa sanakuyaagal e campindiro, e ko nanndi, fow hino waawaa wallitoreede e ñifugol hare ɗen hakkunde jamaaji ɗin. 

Ɓe felliti kadi, si tawii eɓɓooje maɓɓe ɗen laatoto e fii wuuridal ngal, ko maa rewree ka jannde, ɓamta fii pine hawtaaɗe ɗen.

Rewɓe fulɓe tawaaɓe ɓen ka koolol "Pulaaku" Burkina 2015. Natal: © Burkina24

Rewɓe fulɓe tawaaɓe ɓen ka koolol « Pulaaku » Burkina 2015. Natal: © Burkina24

Moodi Ismayla Jallo kadi holli e yewtere maɓɓe, fii jaɓugol  « wondigal », ko maa qirritoo lurre ɗen, ndaare no moƴƴinira hakkunde lurrooɓe ɓen..

ka labingol ñalaande pinal nden, kummaluuɓe buy nodditano, ɗum non ko wa lolluɓe e sama-soobee en (campindiro). Poroduwisiiji (produits) fulɓe weeɓitaa (exposés),  ñamakala en kadi fijani seeniiɓe ɓen.

Nde ɗum fof yawti, ɓe waɗtanaa filmu ngam mawninde sincuɗo on gamol fulɓe wi’eteengol ngol « denke denke », himo noddiree Limaata Parti.

Foolotiro « pinal fulɓe » hino eɓɓananoo rewɓe ɓen, kono ɗum ronki newaade.

Ko nii woni ko lowre kumpital nden Burkina24 woni ko waɗiri ciimtol (rapport) ngol koolol « Pullaku » to lesdi Burkina, e kuɗol  Revelyn SOME.

4 Responses to Burkina –  koolol « Pulaaku » ngol hikka 2015, rerɗinii wondingal jamaaji ɗin

  1. Abdullaay Soh dit :

    No labaa buy noon, Yo Alla accu laawol fulɓe, aamiin yaa Allaah!

  2. Poullo Ba Ba dit :

    Golle ma njoodi peewi yoo jam e kisal won e ma gido. Pulaagu fof ko gootum. Min poullo BA mo leydi Senegal, pullo pulaajo pullaado barce gondo Barcelona. on calminaama on njuuraama.yoo wuur pulaagu.

  3. Feewii yoodii njokkee golle yoo geno won ballo.

Rokku miijo (coment)

%d blogueurs aiment cette page :