Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

Fulɓe e Luumol nder Najeeriya

Joomirawo waddii jamanu ko halli to Fulɓe Najeeriya: Na’i amen keeñi. Iyaalu ɗuuɗi. Ko ɗuuɗi nder sukaaɓe amen accii durngol ngam na’i keppaama – ɓe ngalaa ilmu, ɓe ngalaa sanaa’a, faa woɓɓe Jokkito »

Tawtee e foolotiro tafugol « Meme » ngol ka Ɗemɗe Neeniije

Musiɗɓe tedduɓe, juurotooɓe Misiide, Men hewtidii hannde kadi e kumpital mawngal, kumpital ɓamtaare Fulfulde, e jurol gannde kese. Wano woowiri non, tuma kala, men humpitay on ka ɗemngal men ngal naatiri e Jokkito »

UNESCO humpitii tiitoonde ñalaande winndere ɗemɗe neeniije ɗen 21 Fabraa’iru 2017!

Fii mawningol ñalaande Hakkunde-leyɗeere wonande Ɗemɗe Muynaaɗe Ɗen ñalnde 21 Fabraa’iru 2017, UNESCO, fedde kippunde nden fii ɗuuɗal pine e ɗemɗe.. ka aduna, okkuɓe kadi ñalaande 21 Fabraa’iru nden e hitaande kala, Jokkito »

 

Alluwal Juma: Hakkunde Annabi shu’aybu e yimɓe mun ɓen

17En barkinorii Innde Allaahu, Joom Moƴƴere Huuɓunde, Joom Moƴƴere Heeriinde. Yo Allaahu juulu E Koohoojo meeɗen Muhammadu, kamɓe e ɓeenguure maɓɓe, e sahaabaaɓe maɓɓe, o hisna ɓe hisnude.

Allaahu toowuɗo on daali : (Men nelii e yimɓe Madyana ; musiɗɗɗo maɓɓe Annabi Shu’aybu. O wi’i : Ko onon yo yimɓe, rewee Alla, alanaa on reweteeɗo tanaa kanko, wata on ustu etirɗe ɗen e peesirɗe ɗen, min miɗo yi’a on e moƴƴere, miɗo hulani on kadi lette ñalaande huuɓitunde. Ko onon yo yimɓe ! Timminiree etirɗe ɗen e peesirɗe ɗen nunnɗal, wata on ɗuytan yimɓe ɓen coggeeli maɓɓe, wata on yaaru ka leydi ko on bonnooɓe). 

(Huudi : Aaya 84-85).

Sheikh Muhammadu Husayn Ya’qub yewtii ko yowitii e ndee simoore o maaki : « Ɓaawo fiyaaku Tawhiidi on, Annabiijo on hikku ɗon kisan fii gollodal hakkunde jamaa on, refti fii hoolaare e nunnɗal.
Yimɓe Madyana, ko ɗuytaynooɓe etirɗe e peesirɗe, ɓe jonnitataano jamaa on hakkeeji maɓɓe ɗin, ɗum le ko soɓe memoowo laaɓal ɓernde e juuɗe, hino ɗuyta kadi teddungal e mokobaaku.
Hiɓe wattaynoo ɗuytugol hakkeeji yimɓe ɓen, noone e ñeeñal ka ngeengu…
Hooti non Annabiijo maɓɓe on anndiniɓe wonde ɗum ko janfa e nguyka, o anndiniɓe kadi himo huliraniɓe sabu ɗum lette huuɓuɗe… ».

Nulaaɗo Alla on maaki (Yo Alla ɓeydu yurmeende e makko o hisna mo) : « Tooñe ɗen, ko niɓe ñannde darngal ».
Himo fottanaa e mun.

Ka timmoode, hiɗen torondira nunɗude ka etirɗe, rentoo e haqqeeji jamaa on, woɗɗitoo e tooñe… Ko fii non, tooñe ɗen ka aduna ɗoo, ko niɓe wonanoyta jom mun ka laakara ! Yo Alla danndu en.

Timmii.
Ko e yettude Alla ɗii ɓinɗi bangiri
Kuɗol : Muhammad Tafsir SALAMBANDE

Rokku miijo (coment)

%d blogueurs aiment cette page :