Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Simoore Hashri (fii mooɓitugol)

Kuuɗol: Muhammadu Tafsir Salambande

 

Allaahu toowuɗo on daali :

(Ɓen arunooɓe (ɓaawo ferunooɓe ɓen), hiɓe wi’a jooma amen yawtan men wonndude e musiɓɓe amen ardiiɓe men e gomɗinal, hita a waɗu ka ɓerɗe amen konnaagu wonannde ɓen gomɗimɓe, jooma amen a laatike ko a yaafotooɗo yurmeteeɗo).

« Hashri (fii mooɓitugol) : 10 ».

Eggaama e Abaa hurayra yo Alla wele mo, wonnde nulaaɗo Alla on mo jams e kisiyee woni e mun on maaki:

“Si neɗɗannke on maayii, golle makko ɗen taƴay si wonaa ɗe tati: ko sadaka iloowo (jokkondirɗo moƴƴere mun), walla ganndal nafitorteengal e mun, walla ɓiɗɗo moƴƴo, on mo no du’anoo mo”.

Fillike ɗum Muslim.

Firo konnguɗi:

Sadaka iloowo: ko ɗum woni sadaka jokkondirayɗo ɓaawo mayde neɗɗannke on, wano dido juulirde e ko nanndi, baraaji mun ɗin jokkondiranay jom mun haa ɓaawo mayde makko.

Hino jeyaa e ko nafitorten e oo Hadiise:

  1. Si tawii ɓaawo mayde nden golle fow taƴay, haray hino haani ka ontigi hebilirgol ka tawoyta Alla e accugol batte ado mayde makko nden fii yo ɗin baraaji tawoy mo ka qabru.
  2. Hino tawaa e ɓure Alla ɗen e dow jiyaaɗo makko on, nde o waɗani mo gollal ngal o nafitorta baraaji mun hay ɓaawo mayde makko nden.
  3. Ko ɓuri moƴƴude e ko mayɗo wallirtee, ko du’aa, wano du’anagol mo yurmeende, e yaafuyee immorde ka Alla
  4. Hino joopaa e hadiise on nafa resugol ɗuɗɗinan jurriyaaji moƴƴuɗi ko hino du’anoo ɗum.

Timmii.

Rokku miijo (coment)

%d blogueurs aiment cette page :