Kawral am e yumma Salamatu Soh, ka jaaɓi-haaɗtirde Mohammed V, Rabat 2017-09-27

Yumma Salamatu Soh, anndiraaɓe Salamatou Sow, wiɗtotooɗo ka jaaɓi-haaɗtirde Ñamee (NIGER), ɗemɗiyaŋke humpitiiɗo fii Fulfulde e Pulaaku, nodditano tawtoreede e bensondiral mawngal waɗngal ka laamateeri Marok, e nder Saare mawnde nden Rabat Jokkito »

Gonal Fulfulde ndeer gannde kese

Fulfulde e gannde kese, ko tiitoonde winndannde nde wiɗtooɓe ɗiɗo (2) misranaaɓe hawtiti winndi, ɓen ngoni : Dr. Aadel Usmaan Imam Ayat, jannginoowo ɗemɗe afrik, to Duɗal Ɗemɗe e Eggo (faculté de Jokkito »

Ciimtol FPU & FPUNA nder Washington: 7, 8 & 9 lewru Morso (July), 2017

Taariika Fulɓe Progressive Union (FPU) ko mojobere daraniinde fiyaakuuji renndo e pinal. Ko e hitaande 1966 nde sincaa e nder Sarlon. Innde mayre aranere nden fewndo nde sincaa ko Fullah Youth Organization Jokkito »

Nafitorgol karallaaji kesi fii jannugol Fulfulde

 Gila internet layi, humindiri jamaaji ɗin, wontuno laawol lumbinirngol miijooji e eɓɓooje, maandinirngol jannde e gannde. Ko e ngol laawol kadi yimɓe ɓen waɗti daɗndirde ngaddamaakuuji maɓɓe e finaa-tawaaji maɓɓe, seɓitoriiɗi mulugol. Jokkito »

Miijo: Yahugol njananiri fii ɗaɓɓere e nguu jamaanu hannde!

Fulɓe wi’i: « Mo haylaaki o haylay hoore ». Ndee tiitoonde yahugol njananiri fii ɗaɓɓere e nguu jamaanu hannde no hitti fota fota, teeŋtinii wonande sukaaɓe wontirɓe hiirnaange Afrika (west Africa), sabu yaltugol fii Jokkito »

 

Hadiise: Ɓure sullagol (wayraade) ka hoorugol

Musiɓɓe julɓe tedduɓe,
Hiɗen yewta ɗoo seeɗa e ɓure sullagol (wayraade) e nduu lewru koorka (suumayee), tippude e Maakuuji Ɓurnaaɗo Muhammadu (yo O his).
Eggaama e Jaabir Ibn Abdillah (yo Alla wele mo), Annabiijo Alla on mo jam e kisiyee woni e mun on maaki: “ Kala on faalaaɗo hoorude, yo o sugulor goɗɗum ».
Fillike mo Imaam Ahmad.

Eggaama e Umar Ibnul Aas (yo Alla wele mo), Nulaaɗo Alla on mo jam e kisiyee woni e mun on maaki: “Ko serndi koorka men kan e koorka yimɓe defte ɓen ; ko ñaametee on ka sullaari ».
Fillike mo Muslim.

Eggaama e Ibn Abbaas (Yo Alla wele ɓe-Kanko e ben makko-), Annabiijo Alla on mo jam e kisiyee woni e mun on maaki: “ Menen dey Annaabaaɓe ɓen, men yamiraama adintinngol huntaari amen, nenna suguli amen, e nde men fawata ñaamo amen ngon e dow nano amen ngon ka julde”.
Fillike mo Ibn Hibbaan.

Musiɓɓe tedduɓe;
Ko feƴƴi ɗoo kon, ko seeɗa e Hadiiseeje Nulaaɗo men Muhammdu (yo O his) fii ɓure wonɗe e sugulagol ado hoorude, hiɗon gelii non wonde ɗuuɗuɓe e men hino welsindii e oo sunna, woɓɓe wi’a ɓay wanaa farilla; jaraa ko sugulii, woɓɓe kadi le wi’a ɓayri ɗum haɗataaɓe hoorude, ɓe sugulii ɓe sugulaaki; ɗum tampintaaɓe; jaraa ka ɓe suguloo, e ko nanndi.

Hiɗen wi’a ɓen, ɗum ko faayere! Sabu tippude e ɗee Hadiiseeje yawtuɗe ɗoo, hiɗen wi’a wonde sugulagol hino mari nafooje heewuɗe wonannde julɗo on, tawaa e majje, ɗee ley ɗoo:

1. Wonde ɗum ko sunna : Mo ñentinii le sunna, o heɓay baraaji mun.
2. Ko sugulagol ngol serndi en e yimɓe defte ɓen (Yahuuda e Nasaara), tawde kamɓe kadi hiɓe hoora.
3. Sugulagol hino wona sabu softeende hooruɗo on ñallal ngal fow, teŋtinii non fayɓe ɓen.
4. Ɗum hino woni sabu heyɗintingol annuyee koorka kan tuma kala.
5. Sullagol hino wona sabu julɗo on heddaade e sago mun fodde teege ɗen hayfaali, ko fii non mo weelaama, suumayee nanngii ɗum ñalorma; ko karahan si o ronka ɗuuɗude haala wonde himo weelaa; walla o lutta e wullitagol, ɗaanoo ñalorma on fow, ronka feere hay no juulira e waqtu.

Tippude e sunna on, hiɗen yamondira immanagol suguli on, hay si ko tamaroore walla ndiyam yaretee-ɗam, e ko nanndi fii tan ñenntingol sunna Nulaaɗo men on Muhammadu (yo Alla ɓeydu yurmeende e maɓɓe o hisna ɓe).

Timmii.
Kuɗol: Tafsir BALDE
Mo Misiide Network
www.misiide.net

Rokku miijo (coment)

%d blogueurs aiment cette page :